Գլխավոր տոնածառի լույսերը և ամանորյա տոնավաճառը Երևանում

Սիրուն էր չէ՞: Էս տարի մի տեսակ շատ ճոխ էր ու տպավորիչ, երևի 2025-ն իր գործն անում է: Հանրապետության հրապարակում տեղի ունեցավ գլխավոր տոնածառի լույսերի վառման արարողությունը՝ ազդարարելով ամենահեքիաթային, ամենասպասված ու ամենասիրելի տոնը։ Տպավորությունները՝ ԿամոԲլոգում:

Կամո Թովմասյան

Գլխավոր տոնածառի լույսերի վառման արարողության հետ միաժամանակ սկսեց գործել նաև ամանորյա տոնավաճառը՝ տոնածառի հարևանությամբ՝ Շահումյան պուրակում։ Տոնավաճառը կգործի դեկտեմբերի 8-ից հունվարի 6-ը, որտեղ փոքրիկների համար կիրականացվեն տարաբնույթ միջոցառումներ հեքիաթային հերոսների և, իհարկե, ձմեռ պապի մասնակցությամբ: Տաք գլինտվեյնից մինչ համեղ հոթ-դոգեր, նվերներից մինչ քաղցր բամբակ, ու հատկապես երեխաների համար էքթիվիթիներ:

Ամեն երեկո տեղի կունենան բազմաժանր համերգներ՝ ջազ, ռոք, էստրադա...ինչպես նախորդ տարի: Խմբերի և արտիստների ցանկը կարող եք գտնել Երևանի քաղաքապետարանի սոց.էջերում, ներքևում թողնում եմ հղումները: Ահա ՖԵՅՍԲՈՒՔՅԱՆ էջը, ահա ԻՆՍՏԱԳՐԱՄՅԱՆ էջը: