ALEKSANDERSIRADEKIAN ապրանքանիշն իր նոր հավաքածուն ներկայացրեց «Գրանդ Հոթել Երևան»-ում

Երեկ «Գրանդ Հոթել Երևան»-ում ALEKSANDERSIRADEKIAN ապրանքանիշը ներկայացրեց իր նոր կրուիզային հավաքածուն։ Հյուրանոցի ձմեռային այգին վերածվել էր ցուցասրահի, որտեղ անձամբ դիզայները հայկական բարձր հասարակությանը ներկայացրեց իր աշխատանքները։ Մասնավորապես՝ Doline Lualy կուտյուրային կոշիկների հավաքածուն, որը նվիրված է ֆրանսիական Լուարի հովտին։ Հավաքածուն առաջին անգամ ներկայացվել էր 2016 թվականին Փարիզի Haute Couture նորաձևության շաբաթվա ընթացքում, իսկ տասը տարի անց ցուցադրվեց նաև Երևանում։

Դիզայները ներկայացրեց նաև Voyage տրիկոտաժե և քաշմիրե հավաքածուները, ինչպես նաև բոլորովին նոր մետաքսե հավաքածուի նախնական ցուցադրությունը, որը սեպտեմբերին կներկայացվի Փարիզում։ Երեկոյի հյուրերն առաջինն էին, ովքեր տեսան և փորձեցին նոր հավաքածուն։

Պոչավոր բարձրակրունկներով հայտնի ALEKSANDERSIRADEKIAN բրենդը հավաքել էր հյուրերին Երևանի «Գրանդ Հոթել Երևան»-ում՝ կոկտեյլ-երեկոյի շրջանակում, որը նվիրված էր նոր մետաքսե կրուիզային հավաքածուի մեկնարկին։

Բրենդի հիմնադիր և դիզայներ Ալեքսանդր Սիրադեկյանը վաղուց էր աշխատում հագուստի նոր գծի ստեղծման վրա՝ ոգեշնչվելով աշխարհի տարբեր երկրներ կատարած իր ճանապարհորդություններից։

«Ինձ հետաքրքիր էր տեսնել մեր հերոսներին ոչ միայն հասարակական միջոցառումների և կարմիր գորգերի վրա, այլև պատկերացնել նրանց բեքսթեյջային կերպարը», — նշեց դիզայները։

ALEKSANDERSIRADEKIAN VOYAGE-ը բացում է ճանապարհորդությունների իր աշխարհը, որտեղ ոճն ու հարմարավետությունը միահյուսվում են՝ ստեղծելով ձեր անհատական և վառ կերպարը։ Տրիկոտաժից և մետաքսից պատրաստված բազային հագուստի լայն տեսականին հնարավորություն է տալիս հեշտությամբ համադրել տարբեր մոդելներ՝ ձևավորելով սեփական յուրահատուկ ոճը։

Հրաշալի կազմակերպված երեկոյի հեղինակը Սյուզի Այրումյանն էր, ով պարբերաբար Երևանի Grand Hotel Yerevan-ում կազմակերպում է նման բարձրակարգ, փակ և առանձնահատուկ միջոցառումներ։ Հատուկ շնորհակալություն՝ SAY YES մոդելային գործակալությանը, «Կատարո» գինիներին և բոլոր գործընկերներին, որոնց աջակցությամբ երեկոն դարձավ իսկապես հիշարժան, նրբաճաշակ ու բարձր մակարդակով կազմակերպված միջոցառում։