ArtLife Kempinski Residences Yerevan-ի պաշտոնական շնորհանդեսը

ArtLife Kempinski Residences Yerevan-ը հերթական թաղամասը չէ, այն Հայաստանի միջազգային հայտն է՝ անշարժ գույքի նախագծի իրականացման ոլորտում: Միջոցառումը նվիրված էր համալիրը նախագծող և կառուցող «ՌԵՆՇԻՆ» ընկերության և Կեմպինսկի ցանցի համագործակցության պաշտոնական մեկնարկին, որի ընթացքում էլ հենց ստորագրվեց պայմանագիր: ArtLife Kempinski Residences Yerevan-ը բազմաֆունկցիոնալ բնակելի համալիր է, որտեղ արդեն այս տարվա վերջում լիարժեք, լյուքս դասի բոլոր միջազգային ստանդարտներին համապատասխան վերանորոգված շահագործման են հանձնվելու ավելի քան 285 բնակարաններ և 50 համարներ՝ երկարատև կեցության համար: Առաջին անգամ մասնավոր բնակարանում կիրառվելու են 5*-ի հյուրանոցի բոլոր ստանդարտները:

Համալիրը դեռևս նախագծման և նախագծի մշակման փուլում էլ ներդրել է եվրոպական ստանդարտներ՝ հատկապես տեխնիկական, անվտանգության և սպասարկման մասով, ինչն էլ հիմք է հանդիսացել, որ անցյալ տարի՝ դեռևս բրենդավորումից առաջ, համալիրն արժանացել է անշարժ գույքի ոլորտում բարձրագույն համարվող International Property Awards-ի 4 մրցանակի: 125 տարվա փորձ ունեցող հեղինակավոր Kempinski ընկերության բրենդավորումը ներառում է հյուրանոցային ցանցի կառավարման, սպասարկման, տեխնիկական ստանդարտների ամբողջական և լիարժեք ներդրում ու կիրառություն ոչ միայն երկարատև կեցության համարների, այլ նաև մասնավոր բնակարանների համար:

ArtLife Kempinski Residences Yerevan-ը հայկական ավանդական ճարտարապետության և ժամանակակից Art Deco էսթետիկայի համադրությունն է: Կենտրոնական հատվածում ունի բուլվար և հրապարակ՝ աշխարհի լյուքս դասի առաջատար բրենդների ընդարձակ բուտիկներով, ինչպես նաև բարձրակարգ ռեստորաններով, բարերով և սրճարաններով: Համալիրի տարածքում նաև նախատեսվում է դելիկատեսների շուկա և ծաղկի խանութ: ArtLife Kempinski Residences Yerevan-ը կներկայացնի շքեղ ՍՊԱ և առողջության կենտրոն, որը նախագծված է Kempinski Group-ի դուստր ձեռնարկության՝ Resense-ի կողմից: Կենտրոնը կներառի նաև փակ և բաց լողավազաններ, տանիքի լաունջ և սքվոշի կորտեր:

ArtLife-ը ստեղծվել է՝ որպես մշակույթի և ապրելակերպի կենտրոն, որը բավարարում է Երևանի ամենախստապահանջ բնակիչների կարիքները: Այն կունենա միջոցառումների կենտրոն՝ շուրջտարյա ներկայացումների ժամանակացույցով, պատկերասրահ, անդամների փակ ակումբ, մանկական ժամանցի կենտրոն, կինոթատրոն և գոլֆի սիմուլյատոր, գեղեցկության սրահ և էսթետիկ բժշկության կլինիկա: Նախագիծը ներառում է նաև ընդարձակ ավտոկայանատեղի և ուղղաթիռի վայրէջքի հարթակ:

«ՌԵՆՇԻՆ» ընկերությունը քաղաքաշինական, ներդրումային առաջատար ընկերությունն է Հայաստանում: Միանգամայն նոր կյանքի որակը, չափանիշները և մոտեցումները որպես գործունեության հիմք ընդունելով՝ ընկերության նախագծում, կառուցում և կառավարում է անշարժ գույք՝ նպաստելով կյանքի ռիթմին համահունչ ապրելակերպի ձևավորմանը: Ընկերությունը հիմնադրվել է 2001-ին և ակտիվորեն ներգրավվել Հայաստանի անշարժ գույքի շուկայի ձևավորմանը: «ՌԵՆՇԻՆ»-ի յուրաքանչյուր հաջորդ նախագիծ գերազանցում է նախորդին՝ խթանելով քաղաքաիրթ և միջազգային ստանդարտներին համապատասխան անշարժ գույքի զարգացումը մեր երկրում:

Միջոցառումն իրականացվում էր «ԳԵԹՍԲԻ» ոճով, Art Deco էսթետիկայով, որն արտացոլված է նաև համալիրի ճարտարապետությունում, ներկայացնում է շքեղության ժամանակակից պատկերացումը: Հյուրերի ցանկում էին պետական բարձրաստիճան պաշտոնյաներ, դիվանագիտական կորպուսի ներկայացուցիչներ, համալիրի ապագա բնակիչներ, գործարարներ, արվեստի, մշակույթի գործիչներ: