AVA ՌԵՍՏՈՐԱՆԻ ԲԱՑՈՒՄԸ ԱՄԻՐՅԱՆ 4/3 ՀԱՍՑԵՈՒՄ

"ԱՎԱ" ռեստորանը բաղկացած է 2 սրահից՝ տեղակայված 2 հարկի վրա: Առաջին հարկում ամբողջ օրվա ընթացքում կարող եք վայելել համեղ ուտեստների բազմազանությունը, հաճելի ինտերիերում գործնական հանդիպումներ անցկացնել։ Առանձին ներկայացնեմ բացօթյա սրահը, որտեղ նույնիսկ նոյեմբերյան այս օրերին հաճելի է վայելել աշնան արևը, համտեսել տարբեր ուտեստներ և հետևել քաղաքի եռուզեռին: Աշխատանքային ժամերը ՝ 07:30-24:00: Համեցեք նախաճաշի, լանչի, նաև երեկոյան ընթրիքի համար և բացահայտեք հագեցած մենյուն:

երկրորրդ հարկն արդեն նախատեսված մոտ 80 անձի համար, որտեղ կարելի է նշել տարբեր միջոցառումներ՝ ծննդյան օրեր, կորպորատիվ հավաքույթներ, կամ պարզապես նախաճաշել, ճաշել, իսկ երեկոն վայելել կենդանի երաժշտության ներքո՝ տարբեր երաժշտական խմբերի ու երաժիշտների կատարմամբ: Այստեղ հանդես են գալիս Լուսինե Առաքելյանը, Զառա Մարկոսյանն իր բենդի հետ, Relax և Tropikana բենդերը, նվագում են DJ Happy Light-ը և Aram LP-ն: Հնչում է դաշնամուրային, սաքսաֆոնային երաժշտություն և ոչ միայն:

Շաբաթվա բոլոր օրերին առկա է կենդանի երաժշտություն, իսկ ամսվա ընթացքում հաճախակի հրավիրվում են սիրված կատարողներ։ Սպասվող միջոցառումներին կարող եք տեղեկանալ "ԱՎԱ"-յի ֆեյսբուքյան, իստագրամյան էջերից կամ զանգահարել՝ 041-33 34 44 հեռախոսահամարով: Այս շաբաթվա հատուկ հյուրն էր՝ անզուգական Իվետա Մուկուչյանը:

Երկրորդ հարկում առկա է նաև առանձնասրահ նախատեսված 10 անձի համար և առանձնասենյակ՝ նախատեսված 15 անձի համար։ Նշեմ, որ 2-րդ հարկում բացվում է Ամիրյան փողոցին նայող գեղեցիկ տեսարանով պատշգամբ, որը շատ հարմար է նախաճաշի, ճաշի, ընթրիքի, ինչու չէ՝ ռոմանտիկ հանդիպման կամ սիրո առաջարկության համար։

"ԱՎԱ" ռեստորանի խոհանոցը հիմնականում եվրոպական է, սակայն հայկական խոհանցիսիրված ուտեստները մենյուում նույնպես կգտնեք: Այստեղ՝ ընտանեկան ջերմ մթնոլորտում կարող եք վայելել յուրօրինակ բաղադրատոմսերով պատրաստված համադամ ուտեստներ։ Շեֆ խոհարարը, որն ունի բազմամյա աշխատանքային փորձ, հաշվի առնելով ոլորտում մեծ մրցակցությունը հանրության կողմից սիրված և ընդունված շատ ուտեստներ ներկայացնում է յուրովի։ Մենյուն բազմազան է հայկական տոլմայից մինչև պանասիական ծովախեցգետին։

Առանձնացնեմ կրակի վրա պատրաստվող ծխեցրած խոզի մատները, որը մատուցվում է հեղինակային աղցանով, ինչպես նաև ԱՎԱ դեսերտը, որը չի պարունակում գլյուտեն և շատ սիրված է հաճախորդների կողմից։ Իհարկե տեղում թխված թոնրի տաք հացը լրացնում է սեղանը և ավելի ջերմացնում մթնոլորտ։

"ԱՎԱ" ռեստորանը ամեն օր առավոտյան 07:30-11:00 առաջարկում է ամերիկյան նախաճաշ,ունի նաև լանչ-մենյու, ծննդյան, կորպորատիվ հատուկ առաջարկներ, ամանորյա կորպորատիվների հատուկ փաթեթներ։ Նշեմ, որ այս միջոցառումների դեպքում ռեստորանը կարող է տրամադրել ավտոկայանատեղի։ Հավելեմ, որ ռեստորանի բրենդինգը վստահվել է "Be the change" բրենդինգային ստուդիային, իսկ ինտերիեր դիզայնի հեղինակն է Վահե Բալասյանը (Archiforma ստուդիա):