EXCLUSIVE! Շառլ Ազնավուրի երգացանկին նվիրված անվանական Ոսկե մեդալների հանձնումը "Ծագումով հայեր” մրցանակաբաշխության ընթացքում

Լրագրող, ռեժիսոր և հասարակական գործիչ Մանանա Հակոբյանն այս տարի նշում է իր հեղինակային՝ "ԾԱԳՈՒՄՈՎ ՀԱՅԵՐ" նախագծի 15-ամյակը: Նախագիծը ստեղծվել է բանասեր, հայագետ, բառարանագիր Արծվի Բախչինյանի համանուն գրքերի հիման վրա: 15 տարիների ընթացքում նախագծի շրջանակներում Մանանա Հակոբյանի կողմից հայկական հեռուստաեթերում ներկայացվել է բացառիկ հարցազրույցների շարք անվանի հայորդիների հետ, ովքեր ապրում և ստեղծագործում են աշխարհի տարբեր երկրներում:

Ֆրանսիայի Ավինյոն քաղաքում՝ 19-րդ դարի Chateau des 3 Fontaines դղյակում մոտ 25 հայորդիներ արժանացան Շառլ Ազնավուրի երգացանկին նվիրված անվանական Ոսկե մեդալի: Սա "ԾԱԳՈՒՄՈՎ ՀԱՅԵՐ" նախագծի արդեն երկրորդ մրցանակաբաշխությունն է, առաջինը տեղի էր ունեցել Փարիզում:

Շառլ Ազնավուրի երգանցանկին նվիրված անվանական Ոսկե մեդալը տրվում է իրենց ոլորտում մեծ ներդրում ունեցած և նորարար ձեռագրով տարբերվող հայորդիների՝ ազգությամբ հայ մասնագետների: Այս տարվա մրցանակակիրների և հատուկ հյուրերի ցանկում եին Դիդիե Փարաքյանը, Ռոզի Արմենը, Էլլադա Չախոյանը, Հեռնան Կույումջյան-Բերգամալին և այլ հայտնի հայորդիներ, ովքեր ժամանել էին Աշխարհի տարբեր անկյուններից:

Ուրախ եմ հայտնել, որ ինքս արժանացել եմ Շառլ Ազնավուրի երգացանկին նվիրված անվանական Ոսկե մեդալի: Մրցանակի արժանացել եմ լրագրողության, բլոգոսֆերայի և ինֆլյուենսեր ոլորտի զարգացման համար: Մրցանակն ինձ հանձնեց «ՄԱՅՐԻԿ» ֆիլմի ռեժիսոր Անրի Վեռնոյի որդին՝ Պատրիկ Մալաքյանը:

19-րդ դարից ի վեր Chateau des 3 Fontaines-ը եղել է ամենագեղեցիկ պատմությունների և առաջին հայացքից հայտնի սիրո տուն: 10 հեկտարանոց այգին իր դարավոր ծառերով, ջրվեժով և լճակով իդեալական վայր էր մրցանակաբաշխության անցկացման համար: Պետք է նշեմ, որ մրցանակաբաշխությունը հրաշալի էր կազմակերպված: Հյուրերին դիմավորեցին նախագծի հիմնադիր Մանանա Հակոբյանը և Chateau des 3 Fontaines դղյակի տանտերը՝ քաղաքական գործիչ, դիզայներ Դիդիե Փարաքյանը: Երեկոն լի էր հայորդիների ոգեշնչող պատմություններով, կատարումներով, իհարկե նաև հայկական հյուրասիրությամբ:

Միջոցառումն անցկացվեց Ավինյոն քաղաքի քաղաքապետ Սեսիլ Հելլի և «Գագիկ Ծառուկյան» Բարեգործական հիմնադրամի բարձր հովանու ներքո: Գործընկերներ՝ "Շիրակ" հյուրանոցային համալիր, "Մարաշի" հրուշակեղենի արտադրություն, "Կատարո" գինու գործարան, "ՍՏԵԿՈ" ընկերություն, "DREAM" շոկոլադի արտադրամաս: "Ծագումով հայեր" հաղորդաշարի գլխավոր հովանավոր` "Դեֆանս Հաուզինգ ինվեստ" կառուցապատող ընկերություն:

Շ. Ազնավուրի երգացանկին նվիրված անվանական Ոսկե մեդալների և պատվոգրերի արժանացան մշակութային, հասարակական, քաղաքական, բժշկական ոլորտի հայորդիներ՝ այդ թվում դերասաններ, լրագրողներ, ռազմական գործիչներ: Ահա նոմինանտների ամբողջական ցանկը:

ՀԵՌՆԱՆ ԲԵՐԳԱՄԱԼԻ ԿՈՒՅՈՒՄՋՅԱՆ
Չիլիի Հանրապետության ռազմածովային ուժերի ծովակալ, ծովային և ռազմական գիտությունների մագիստրոս Հեռնան Բերգամալի Կույումջյանը ռազմածովային նավատորմի "Անֆիբիա" խմբի հրամանատարն է եղել, ինչպես նաև Չիլիի ռազմածովային նավատորմի գերագույն շտաբի վարչության պետը: Այժմ նա Լոնդոնի ռազմավարության հետազոտությունների ինստիտուտի և Չիլիի միջազգային հարաբերությունների խորհրդի անդամ է:

ԱՆՐԻ ՎԵՌՆՈՅ
Հայկական արմատներով ֆրանսիացի կինռեժիսոր և սցենարիստ Անրի Վեռնոյը համարվում է ֆրանսիական կինոյի լեգենդ, իսկ նրա "Մայրիկ" ինքնակենսագրական ֆիլմը` եվրոպական կինոյի ամենաարժեքավոր ստեղծագործություններից: Անրի Վեռնոյի հիշատակին "ՇառլԱզնավուր" անվանական ոսկե մեդալը ստացավ Անրի Վեռնոյի որդին՝ Պատրիկ Մալաքյանը:

Դիդիեր Փարաքյան
"Հայ-ֆրանսիական Առևտրաարդյունաբերական Պալատի" հիմնադիր, գործարար, պատգամավոր և հմուտ քաղաքական գործիչ է Մարսել քաղաքի փոխքաղաքապետ Դիդիեր Փարաքյանը: Նրա ստեղծած կանացի հագուստի լայն տեսականու արտադրությունը ՝ Didier Parakian ապրանքանշանը հարգի է ամբողջ աշխարհում:

Ալեն Թերզյան
"Պատվո լեգեոնի շքանշանի սպա", "Պատվո լեգեոնի շքանշանի կոմանդոր", "Ազգային արժեքների շքանշանի սպա" Ալեն Թերզյանը համարվում է ֆրանսիական 4 լավագույն կինոարտադրողներից մեկը: Նա Կաննի կինոփառատոնի ղեկավարներից է, ֆրանսիական «Սեզար» կինոակադեմիայի նախագահը, «Alter Films» պրոդյուսերական ընկերության գլխավոր տնօրենը և Ֆրանսիայի պրոդյուսերների միության նախագահը:

Արթուր Միքայելյան
Հակաքաղցկեղային "Էսկոզին" կոչվող դեղամիջոցը, որը կանխում է դարի չարիք դարձաց հիվանդությունը, ստեղծել է ամերիկաբնակ բիո-նեյրո հոգեբան, ուռուցքաբան, բժշկական գիտությունների դոկտոր-պրոֆեսոր Արթուր Միքայելյանը:

Ռուբեն Ադամյան
Վերականգնողական և պլաստիկ վիրաբուժության ոլորտում ավելի քան 37 տարվա աշխատանքային փորձառություն ունեցող պլաստիկ վիրաբույժ, բժշկական գիտությունների դոկտոր, պրոֆեսոր Ռուբեն Ադամյանը պլաստիկ և վերականգնողական վիրաբուժության ոլորտում հեղինակային իրավունքի մշակումների համար ՌԴ-յան 18 արտոնագրերի սեփականատեր է: Նա գործունեություն է ծավալում Հայաստանում և արտերկրում։

Նելլի Ավակովա
"Լոս Անջելեսի ոսկե գրիչ" գրական մրցույթին մրցանակակիր Նելլի Ավակովան յոթ բանաստեղծական ժողովածուների և երեք արձակ գրքերի հեղինակ է: Նրա «Ղարաբաղ... Ցավ և հիշողություն» վավերագրական-գեղարվեստական հուշագիրքը նկարգրում է իր ժողովրդի անմարդկային տառապանքներն ու համաշխարհային հանրության անտարբերությունը:

Կամո Թովմասյան
Նա իսկական հեղաշրջում կատարեց համացանցի հայկական տիրույթում, առաջինը հասկացավ, որ ապագան համացանցինն է և Հայաստանում մեծ հաջողության հասավ որպես առաջին հայ բլոգեր՝ որպես ԿԱՄՈ ԲԼՈԳ: Հիմնելով առաջին հայկական ժամանցային կայք-բլոգը՝ Kamoblog.TV-ն, Կամո Թովմասյանը արդեն 15 տարի պահպանում է Հայաստանի ամենահայտնի ժամանացային կայքի, ամենահայտնի բլոգերի և ինֆլուենսերի անունը:

Սամվել Երիցյան
Վինագործ, ջութակահար, արվեստի վաստակավոր գործիչ, համամիութենական և միջազգային մրցույթների դափնեկիր Սամվել Երիցյանը սերում է երաժիշտների ընտանիքից: Վինաշինության մեջ հմտացել է՝ աշակերտելով հայրիկին՝ Հակոբ Երիցյանին: Նա մասնակցել է Կրեմոնայի Ստրադիվարիուսի երկրորդ միջազգային մրցույթին՝ դառնալով առաջին մասնակիցը Հայաստանից: Ջութակահար,երաժշտական գործիքների վարպետ Սամվել Երիցյանը առաջին հայ վարպետն էր, որ Վենյավսկու անվան միջազգային մրցույթի դափնեկիր դարձավ: Նա նաև Իտալիայում Ստրադիվարիուսի մրցույթի մրցանակակիր է:

Տաթևիկ Սարգսյան
"Լավ բժշկի այցեքարտը ՝ դա լավ բուժված պացիենտն է" - ասում է բժիշկ-կոսմետոլոգ Տաթևիկ Սարգսյանը: Նա գիշեր ու ցերեկ 44-օրյա պատերազմում ծանր վիրավորված զինվորների կողքին էր՝ էլեկտրոմագնիտային և լույսային թերապիայի միջոցով մեղմում էր նրանց ցավերը, նպաստում վերքերի և այրվածքների շուտ վերականգնմանը: "Կան պարտականություններ, որ դու պարտավոր ես կատարել և որպես մասնագետ և որպես մարդ"-ահա այս սկզբունքով է առաջնորդվում բժիշկ-կոսմետոլոգ Տաթևիկ Սարգսյանը:

Լուիզա Գրագատի
Իմ վրձինը միշտ կսահի հայերեն. Galerie de Gragati... այս վերնագիրն է կրում ՝ Գրագատի պատկերասրահը: Հայ սիրված լուսանկարիչ, գեղանկարիչ Լուիզա Գրագատիի ձեռքով արված հայկական զարդանախշերն ու մանրանկարչությունը՝ խորհրդավոր շունչ է տվել Ֆրանսիայի Սուրբ Գրիգոր Լուսավորիչ եկեղեցուն։

Աննի Գասպարյան

Հայաստանում մեծ ճանաչում և վստահություն է վայելում մանկաբարձ –գինեկոլոգ, ռեպրոդուկտոլոգ բժշկական գիտությունների թեկնածու Աննի Գասպարյանը: Նա օգնում է հայ ընտանիքներին վայելելու երեխաներ ունենալու բերկրանքը: "Ամենագեղեցիկ կինը՝ հղի կինն է. աչքերում երջանկություն, սրտում սեր, իսկ ներսում՝ փոքրիկ կյանք..." ահա Անի Գասպարյանի ամենանվիրական մղումը, որով ապրում է և առաջնորդվում:

Հրաչյա Հարությունյան
Օրթոպեդ- վնասվածքաբան "Նաիրի" բժշկական կենտրոնի կոքսա սպեցալիզացված էնդոպրոթեզավորման կլինիկայի ղեկավար Հրաչյա Հարությունյանը չնայած երիտասարդ տարիքին մեծ ճանաչում և վստահություն է վայելում: Նա բազմակի մասնագիտական վերապատրաստումներ է անցել Եվրոպական տարբեր երկրներում: Իր ձեռք բերված համաշխարհային նորարարական գիտելիքներն ու փորձը ներդնելով Հայաստանում օրթոպեդիայի և վնասվացքաբանությանը ոլորտը լուրջ հաջողությունների հասցրեց:

Մարգարիտա Խլղաթյան
Լոս Անջելոսում բնակվող դեղագործ, երգահան, երգչուհի այս հայուհին իր երաժշտական ստեղծագործություններով, տեսահոլավակներով և երգերի կատարումներով մեծ ճանաչման է հասել Միացյալ նահանգներում: "Երբ ինքդ քեզ հետ ու քո դեմ ես ելնում, քո հարվածից ընկնում ու հաղթում ես ինքդ քեզ, ստեղծվում է մեղեդին՝ հոգու հյուսված կարոտի երգը"-սա Մագիի "Հոգու կանչը" երգերի ժողովածուի նախաբանն է :

Վլադիմիր Պողոսյան
Տեղեկատվական տեխնոլոգիաների ոլորտում Էստոնիայի գրանցած հաջողությունները գտնվում է բարձր մակարդակի վրա: Էստոնաբնակ մեր հայրենակից Վլադիմիր Պողոսյանը գլխավորում է տեղեկատվական տեխնոլոգիաների՝ մասնավորապես կիբեր պաշտպանության զարգացման գործում ակտիվորեն ներգրավված ընկերությունների խումբը։ Նրա կարևոր նպատակներից մեկն էլ Հայաստանի տնտեսության ակտիվ զարգացման համար օտարերկրյա ներդրողների ներգրավումն է Հայաստան՝ BRICS երկրներից, ինչպես նաև ամբողջ աշխարհից։

Վարդ մարգարյան
Աշխարհը ցնցված էր America’s Got Talent մրցույթում ամերիկահայ պարող Վարդ Մարգարյանի և նրա 96-ամյա պարընկերուհու` Տաո Պորչոն-Լինչի ելույթից: 2011թ-ին պարային կարիերան Վարդ Մարգարյանը սկսել է Հայաստանում, հետո հաստատվել միացյալ նահանգներում: Պարային մամբոյի աշխարհի չեմպիոն, ԱՄՆ լատինամերիկյան պարերի դափնեկիր, #FredAster ընկերության 6-ակի չեմպիոն և 4 տարի անընդմեջ ամերիկյան Emerald Ball-ի լավագույն պարուսույց ճանաչված Վարդ Մարգարյանը պրոֆեսիոնալ լինելուց բացի մարդկանց պարով վարակելու տաղանդ ունի: Աշխատել է Նյու Յորքում, Վաշինգտոնում, այնուհետև տեղափոխվել է Կալիֆորնիա: Տասն անգամ Fred Astaire-ի ազգային եւ համաշխարհային չեմպիոն է դարձել՝ ամենուր ճանաչելի դարձնելով Հայաստանը և բարձր պահելով հայի անունը:

Կարինե Ավետիսյանը

Նա զբաղվում է արծաթագործությամբ՝ կոտրելով այն կարծրատիպը, որ այս մասնագիտությունը կանանց համար չէ: 2008 թվականին հիմնելով KARA SILVER սրահը, Կարինեն իրականում առաջին կին ոսկերիչն էր, ով իր աշխատանքները ներկայացրեց հայկական շուկայում: KARA SILVER բրենդի յուրաքանչյուր զարդ ձեռագործ է: Նման արտադրանքը պարզապես զարդեր չի կարելի անվանել. դրանք արվեստի իրական գործեր են, որոնք հայկական շուկայում առաջատարներից են:

Նաիրա Սարգսյան
Ոճաբան-մոդելավորող Նաիրա Սարգսյանի անունը հայտնի է նորաձևության աշխարհի ներկայացուցիչներին ո ւ բարձր նորաձևություն նախընտրող հաճախորդներին։ Նրա հագուստները մի օրինակից են, դրանք չեն կրկնվում: Հենց դրանով էլ Naira Sargsyan ապրանքանիշը տարբերվում է մյուս բրենդերից։ Մարսելաբնակ Նաիրա Սարգսյանը մասնագիտական գործունեությունից զատ՝ զբաղվում է նաև Մարսելի հայկական համայնքի խնդիրներով՝ ծավալելով հասարակական ակտիվ գործունեություն:

Քրիստինե Գրիգորյան
Kwisty Fashion Studion բրենդը նախատեսված է ինչպես կանանց, այնպես էլ տղամարդկանց և երեխաների համար: Այն համարվում է տղամարդկանց անհատական պատվիրված կոստյումների առաջատար արտադրողներից մեկը Հայաստանում: Բրենդի հիմնադիր Քրիստինե Գրիգորյանը իրականացնում է նաև բարեգործական գործունեություն: Նա "Մեկ ընտանիք, մեկ ուժ" բարեգործական կազմակերպության հիմնադիրն ու կազմակերպիչն է:

Միջոցառման պատվավոր հյուրը Երուսաղեմից՝ վարդապետ Հայր Տիրան Հակոբյանը բարձր է գնահատել "Ծագումով հայեր" հաղորդաշարի առաքելությունը օտարության մեջ ապրող հայ սերնդին հայեցի մեծացնելու կարևորագույն գործում: Լինելով հաղորդաշարի լավ բարեկամը նա միշտ կանգնած է եղել նրանց կողքին բոլոր միջոցառումների ժամանակ և նպաստել է Երուսաղեմում իրականացվող յուրաքանչյուր ֆիլմի նկարահանումների իրականացմանը: Պատվավոր հյուրերի թվում էին նաև Ուկրաինայի հայ համայնքի ներկայացուցիչ Արտյոմ Կարջյանը, Իռլանդիայում "Եվրոպայի հայ ժառանգությունը" միության հիմնադիրը Տիգրան Ավագյանը, ֆրանսահայ երգչուհի Ռոզի Արմենը, ՀԽՍՀ վաստակավոր արտիստ Էլլադա Չախոյանը: