Ֆրանսիայի ազգային տոնը՝ Բաստիլի գրավման օրը Ֆրանսիայի դեսպանության այգում

Հուլիսի 14-ին՝ Ֆրանսիայի ազգային տոնի առիթով Հայաստանում Ֆրանսիայի դեսպանությունն իր այգում հյուրընկալեց պետական և տեղական ինքնակառավարման մարմինների ներկայացուցիչներին, ֆրանսիական համայնքին, դիվանագիտական կորպուսի ներկայացուցիչներին, ինչպես նաև իր գործընկերներին։ Մենք ևս այնտեղ էինք և սիրով ներկայացնում ենք միջացառումը:

Կամո Թովմասյան

Արարողությունը սկսվեց Ֆրանսիայի և Հայաստանի Հանրապետությունների օրհներգերով՝ սոպրանո Վարդուհի Թորոյանի կատարմամբ, որին հաջորդեց Հայաստանում Ֆրանսիայի դեսպան տիկին Անն Լույոյի և ՀՀ փոխվարչապետ Մհեր Գրիգորյանի ելույթները: Միջոցառումը շարունակվեց ջազ դաշնակահար Օհան Դուրյանի համերգով, ով երևանյան երաժիշտների հետ ֆրանսիական երաժշտական հետաքրքիր փորձառություն պարգևեց:

Հուլիսի 14 ասելիս մտածում ենք 1789 թվականի հուլիսի 14-ին տեղի ունեցած Բաստիլի գրավման մասին, «Բաստիլի օր» ինչպես այն կոչվում է որոշ երկրներում: Ֆրանսիացիների համար հուլիսի 14-ը համախմբելու և միասին տոնելու հնարավորություն է։ Հայաստանում վերջին տարիներին, Ֆրանսիայի դեսպանությունը նշում էր այս տոնը հրաշալի միջոցառման ընթացքում, որտեղ հրավիրված էին լինում պետական գործիչներ, դիվանագետներ, արվեստագետներ, գործարարներ և մշակույթի ներկայացուցիչներ: