Կայացավ 3 333 000 FTN մրցանակային ֆոնդով 2-րդ B.F.T.H. Arena x Ortak մրցանակաբաշխությունը

Օրերս Դվին երաժշտական սրահում կայացավ 2-րդ՝ B.F.T.H. Arena x Ortak մրցանակաբաշխությունը, որի մրցանակային ֆոնդը կազմել էր մոտ 5 մլն ԱՄՆ դոլարի համարժեք 3 333 000 FTN։ Խաղային արդյունաբերության այնպիսի միջազգային գիգանտներ, ինչպիսիք են Evolution-ը, Pragmatic Play-ը, Endorphina-ն, Tom Horn Gaming-ը, Aviatrix-ը և Rubyplay-ը B.F.T.H. Arena մրցանակաբաշխությանը մասնակցող 70-ից ավելի միջազգային ընկերությունների թվում էին։

Կամո Թովմասյան

B.F.T.H. Arena x Ortak մրցանակաբաշխությանը նախորդող 4 ամիսների ընթացքում մասնակիցները ներկայացրել էին բլոկչեյն տեխնոլոգիայի հիման վրա գրված խաղեր, որոնց մասնակցության վճարումը բացառապես FTN-ով է։ Խաղերը ներառում էին 4 հիմնական տարրեր՝ պարոն Առաջինին, FTN-ը, Bahamut-ը և Akneye-ը։

B.F.T.H. Arena x Ortak մրցանակաբաշխության հաղթողները հայտարարվեցին հանդիսավոր արարողության ժամանակ, 9 անվանակարգում։ «Լավագույն FTN կազինո խաղ» անվանակարգում կային 2 հաղթողներ՝ «Aviatrix» ընկերության «FTN Aviatrix»-ը և «PopOK Gaming»-ի «Fast Fruits» խաղը։ «Լավագույն խաղային սյուժե» ճանաչվեց «Tom Horn Gaming»-ի «Biggy Winnie feat. Mr. First» խաղի սյուժեն։ «Լավագույն Bahamut խաղ»-ը «Voznisoft»-ի «VaultWin»-ն էր։ «Լավագույն խաղային դիզայն»-ով առանձնացան «Lambda Gaming»-ի «Candy Splash» և «Platipus»-ի «First of Olympians» խաղերը։ «Լավագույն DeCa (ապակենտրոնացված կազինո) խաղ» անվանակարգում հաղթեց «Pascal Gaming»-ի «Bahamut» խաղը։ «Առցանց խաղատան լավագույն խաղը» «Peter & Sons»-ի «Wild Wild Fishing»-ն էր։

Այս տարի ավելացել էին ևս 3 անվանակարգեր։ «Խաղային լավագույն ձեռքբերում» համարվեց «PopOK Gaming»-ի «FastMaster»-ը։ «Լավագույն արկադային խաղը» «Gaming Corps»-ի «Mr․ First Mines»-ն է։ «Խաղասերների ընտրություն» անվանակարգում լավագույնը ճանաչվեց «Wicked Games»-ի «Eye of Bahamut» խաղը։

«Տեխնիկական առաջադրանքներում հստակ ձևակերպել ենք ոչ միայն այն պահանջները, թե ինչ է անհրաժեշտ ստեղծել, այլև այն, թե ինչից է պետք խուսափել խաղերի ստեղծման ընթացքում», -նշել է B.F.T.H. Arena x ORTAK մրցանակաբաշխության նախաձեռնող Վիգեն Բադալյանը:

Գնահատումն իրականացվել է բացառիկ մոտեցումով․ մասնակիցները հնարավորություն են ստացել աջակցել քվեարկությանը։ Հավելեմ, որ 3 333 000 FTN մրցանակային ֆոնդը բաշխվեց 9 լավագույնների միջև և ուղղվեց հաղթող խաղային նախագծերի մարքեթինգային առաջխաղացմանը։

Մրցանակաբաշխության հատուկ հյուրերի թվում էին Հայաստանի Ազգային ֆիլհարմոնիկ նվագախումբը, DJ Twins-ը, COBA շոուն, Կարինա Առուստամյանն իր բենդով և 7 Visions թատրոնի արտիստները: