FASTEX-ը Երևանում հյուրընկալեց 5-րդ Harmony Meetup-ի web3 մասնագետներին

Պանելային քննարկումների կարմիր թելը «կենտրոնացած է ապակենտրոնացման» վրա։ Թեմաները բազմազան են․ օրինակ՝ Web3 հայեցակարգում օգտատերերի թվային ինքնության վերահսկման մարտահրավերները, թվային ինքնության կիրառելիությունն այլ ոլորտներում, Բահամուտ բլոկչեյնի երկրորդ շերտի առանձնահատկությունները և առավելությունները ցանցի համար, «Բահամուտ» հիմնադրամի կողմից աջակցություն ստացած տեխնոլոգիական պրոդուկտներ, Fastex Card-ի վիրտուալ ու իրական տարբերակներ, ապակենտրոնացված ֆինանսների ոլորտի՝ DeFi-ի ընթացիկ իրավական և տեխնոլոգիական մարտահրավերներն ամբողջ աշխարհում և, իհարկե, Հայաստանում։

Միջոցառումը տեղի էր ունենում Դվին Մյուզիք հոլում, իսկ afterparty-ն Ջելիֆիշում էր:

«Չորս օրվա ընթացքում համացանցի նոր դարաշրջանի՝ web3 հայեցակարգի միջազգային ջատագովներն ու մասնագետները, տեխնոլոգիական նորարար լուծումների հեղինակները, խաղային արդյունաբերության 70 առաջատար կազմակերպությունների ներկայացուցիչներն ամբողջ աշխարհից ժամանել են քննարկելու ոլորտի մարտահրավերները, մասնակցելու պանելային քննարկումների», - իր խոսքում նշեց Fastex-ի Գործադիր տնօրեն Վախթանգ Աբրահամյանը:

5-րդ Harmony Meetup-ը նախորդ տարվա համեմատ հյուրընկալել էր ավելի շատ մասնագետների, հյուրերի և համաժողովն էլ ավելի մասշտաբային էր:

Չորս օրվա ընթացքում համացանցի նոր դարաշրջանի՝ web3 հայեցակարգի միջազգային ջատագովներ, տեխնոլոգիական նորարար լուծումների հեղինակներ, 500-ից ավելի միջազգային ՏՀՏ ընկերությունների ղեկավարներ ու ներկայացուցիչներ, 150-ից ավել ընկերություններ, 60-ից ավելի գործընկեր կազմակերպություններ ու 20-ից ավելի բարձրակարգ փորձագետներ քննարկեցին ոլորտի մարտահրավերները, մասնակցեցին քննարկումների, կիսվեցին գիտելիքով ու փորձով։ Ի դեպ այս տարի նաև զգալի շատ էին միջազգային մամուլի ներկայացուցիչները: