«ԿՈԿՈ» ֆիլմի նախադիտումը և հյուրերը

Քիչ առաջ տեղի ունեցավ «ԿՈԿՈ» նոր հայկական ֆիլմի նախադիտումը: Ողջունելի է, որ անկախ բարդ շրջանից, նկարահանվում են նոր հայկական ֆիլմեր և հանդիսատեսը հնարավորություն է ունենում մեծ էկրաններին կրկին հանդիպելու սիրված դերասաններին: Ֆիլմի մասին ավելին՝ ԿամոԲլոգում:

Կարեն Դավթյան
Կամո Թովմասյան

«ԿՈԿՈ» կոմեդիան ներկայացնում է Novus Entertainment Production-ը: ֆիլմը նկարահանված է Միացյալ Նահանգներում՝ հայ դերասանների եւ ամերիկյան պրոֆեսիոնալ տեխնիկական և գեղարվեստական անձնակազմի հետ համատեղ։ Ֆիլմի գործողությունները տեղի են ունենում Ամերիկայի Միացյալ Նահանգներում։ Սցենարը Կլոդ Մոնեի «Օսկար» ֆրանսիական կատակերգական պիեսի ադապտացիան էր, որի առանցքում շոշափվում էր սիրո դրսեւորումները, ինչպիսիք են վաղուց մոռացված սերը եւ կյանքի ընկերոջ բարդ ընտրությունը։

Դրանց հաճախ ընկերակցում է սուտը, որը փորձում է կազմաքանդել մարդկային պարզունակ հարաբերությունները, եւ «ԿՈԿՈ» ֆիլմի կերպարները բացառություն չեն այս հարցում։ Թվացյալ փոքրիկ սուտը ստեղծում է բարդ եւ միեւնույն ժամանակ ծիծաղելի իրավիճակներ հերոսների համար։ Ֆիլմի ստեղծողները ակնկալում են, որ հանդիսատեսը դահլիճը կլքի վառ եւ գունավոր էմոցիաներով, իհարկե զուգահեռաբար կյանքի մասին խորհելով։

Սցենարի հեղինակը Զոհրաբ Բեկ Գասպարենցն է, բեմադրող ռեժիսորը՝ Էնջլ Մարտիրոսյանը: Պրոդյուսեր՝ Դավիթ Ադամյան, օպերատոր՝ Գևորգ Ճուգուրյան: Ֆիլմի դերասանական կազմը՝ Զոհրաբ Բեկ Գասպարենց, Նազենի Հովհաննիսյան, Լաուրա Ավագյան, Սարգիս Գրիգորյան, Լիլիթ Ղուկասյան, Արման Խաչատրյան, Մոսո Կարապետյա,ն Մերի Երեմյան, Վահագն Խաչատրյան, Մանո Գրիգորյան և հատուկ հյուր՝ Քեն Դավիթյան: