lifestyle

Փորձեմ մանրամասնորեն ներկայացնել ուղևորության ողջ ընթացքը, քանի որ սա իրոք հետաքրքիր փորձառություն էր՝ նոր կապերի և շփումների ձեռքբերման առումով։ Քանի որ ես լուսաբանում եմ նման միջոցառումներ Հայաստանում և միջազգային հարթակներում, ինձ համար հետաքրքիր էր տեսնել, թե ինչպես է կազմակերպվում նման մասշտաբի նախագիծ Դուբայում։ Հիշում եք, որ նախորդ ամսին Երևանում անցկացվեցին Երևանի նորաձևության օրերը, որը կազմակերպում է Հայաստանի Նորաձևության պալատը։ Մենք լուսաբանել ենք այդ միջոցառումը, և այժմ, որպես լրագրող, ինձ հետաքրքրում էր հասկանալ, թե ինչպես է կազմակերպվում նման մեծածավալ նորաձևության միջոցառում Դուբայում։

 Առաջին երեկոն հյուրընկալման ընթրիք էր, որը կազմակերպվել էր հյուրերի համար SANA ուզբեկական ռեստորանում։ Ինչու հենց ուզբեկական՝ կազմակերպիչները միջոցառման ամբողջ ընթացքում փորձում էին ցուցաբերել ուշադրություն բոլոր երկրների ներկայացուցիչների նկատմամբ։ Միջոցառմանը ներկայացված դիզայներները ժամանել էին Հայաստանից, Ուզբեկստանից, Մոլդովայից, Լիբանանից և Պաղեստինից։

Իսկ ծաղկային ձևավորման հեղինակը Գուրգեն Երիցյանն էր, ով այժմ բնակվում է Դուբայում։ Նրա Urartu Flowers ընկերությունը իրականում ստեղծում է շատ հետաքրքիր և տպավորիչ աշխատանքներ։ Կարող եք հետևել նրա գործունեությանը նրանց էջում։ Ընթրիքի բոլոր հյուրերը նվերներ ստացան գործընկերների կողմից, այդ թվում՝ անցած տարվա The Event միջոցառման գիրքը, որտեղ ներկայացված էին նախորդ տարվա մասնակից դիզայներները։

Ահա նաև The Event-ի կազմակերպիչները՝ Ահմադ Ամմարը (Ahmad Ammar) և Վինչենցո Վիսկիլիան (Vincenzo Visciglia)։ Նրանք միասին ներկայացնում են լիբանանա-բրազիլական AAVVA նորաձևության բրենդը։ Իսկ նրանց միջև կանգնած է այս տարվա միջոցառման հրավիրված դիզայները՝ Ռամի Կադին։

Հյուրընկալումը, տեղաբաշխումը, տրանսպորտացիան․ ամեն ինչ անթերի կազմակերպված էր։ Ընտրված ռեստորանը ոչ միայն համեղ ուտեստներով էր առանձնանում, այլ նաև իր մթնոլորտով perfectly համապատասխանում էր առաջին երեկոյի տրամադրությանը։ Երեկոն դարձավ հրաշալի հնարավորություն՝ միավորելու տարբեր երկրների ներկայացուցիչներին․ կարողացանք հեշտորեն մտերմանալ, ծանոթանալ միմյանց հետ և ձեռք բերել նոր, արժեքավոր կապեր, որոնք, համոզված եմ, շարունակություն են ունենալու նաև ապագայում։

Դե, այստեղ արդեն ինքներդ կարող եք պատկերացնել՝ ուզբեկական խոհանոց, տարբեր կոկտեյլներ։ Կարծում եմ՝ շատերն այնտեղ սիրելի ուտեստներ կունենան՝ սկսած հայտնի ուզբեկական փլավից մինչ սամսա։ Իսկ մեդովիկը՝ ինչպես միշտ, ամեն տեղ մեդովիկ է․ անփոխարինելի կլասիկա։

Սա ես դեռ իբր դիետա եմ պահում:

Ի դեպ, այստեղ ներկա էին նաև Ուզբեկստանի Նորաձևության շաբաթի կազմակերպիչները, ովքեր մեզ՝ Հայաստանի նորաձևության պալատի նախագահ Վահան Խաչատրյանի միջոցով հրավիրեցին հաջորդ տարի մասնակցելու նրանց միջոցառմանը։ Մենք, իհարկե, միշտ պատրաստ ենք նման հրավերների, վստահ եմ՝ ձեզ նույնպես հետաքրքիր կլինի, եթե ապագայում ներկայացնեմ նաև Ուզբեկստանի նորաձևության շաբաթը։

Նաև ուզում եմ տեղադրել հղումներ այն գործընկեր ընկերությունների, որոնցից ընթրիքի ժամանակ նվերներ ստացանք։ Կարծում եմ՝ սա հատկապես հետաքրքիր կլինի մեր հայ կազմակերպիչների համար, ովքեր տարբեր բրանչեր և իվենթներ են կազմակերպում։ Ահա, թե ինչ բրենդների արտադրանքներով լի նվեր-փաթեթներ փոխանցվեցին մեզ միջոցառման ընթացքում՝ Scavi&ray , Lindoyaverao , Clarinsmiddleeast , Embryolisse_uae , Eightfifty.co և Im8health։

Այսպիսով, ինչ է «The Event»-ը․ սա ամենամյա, մեծամասշտաբ նորաձևության միջոցառում է, որը միավորում է ավելի քան 10 երկրների դիզայներների՝ հնարավորություն տալով նրանց ներկայացնել իրենց նոր հավաքածուները։ Նախագծի շուրջ ստեղծվում է լիարժեք միջավայր՝ ուղեկցվող տարբեր փոքր միջոցառումներով, ընթրիքներով ու ոչ պաշտոնական շփումներով, որոնք նպաստում են համագործակցություններին և նոր կապերի ստեղծմանը։ Յուրաքանչյուր տարի տպագրվում է միջոցառման ամփոփիչ գիրքը, որտեղ ներկայացվում են տվյալ տարվա բոլոր դիզայներները և նրանց աշխատանքները, իսկ ամենակարևոր առավելություններից մեկը այն է, որ ցուցադրությունից հետո դիզայներները հնարավորություն են ստանում ներկայացնել իրենց հավաքածուն Dubai Mall-ի Galeries Lafayette-ում՝ ինչը յուրահատուկ հնարավորություն է միջազգային ճանաչման և վաճառքի տեսանկյունից։

Հայաստանը նախաձեռնությանը միացել է արդեն երկրորդ տարին։ Մասնակցությունը համակարգում է Հայաստանի Նորաձևության պալատը՝ նախագահ Վահան Խաչատրյանի գլխավորությամբ։ Նախորդ տարի Հայաստանը ներկայացրել էր դիզայներ Արևիկ Սիմոնյանը, իսկ այս տարի մեր երկրի ներկայացուցիչն էր դիզայներ Ֆաինա Հարությունյանը։

Մի փոքր բեքսթեջից․ Իհարկե, ինձ հետաքրքիր էր հետևել այստեղ աշխատող մոդելներին, անձնակազմին, տեսնել՝ ինչպես է ամբողջ գործընթացը համակարգվում և ստեղծվում։ Եվ պետք է ասեմ՝ հաճելիորեն տպավորված եմ․ Հայաստանի նորաձևության օրերը ոչ միայն չեն զիջում իրենց կազմակերպվածությամբ, այլև լիարժեք համապատասխանում են բարձր միջազգային ստանդարտներին։

Դե գիտեք, սնունդը իմ աչքից չի կարող վրիպել։ Բեքսթեջում հատուկ առանձնացված տարածք կար, որտեղ բոլորը կարող էին կազմակերպել իրենց ընդմիջումը, հանգստանալ և վերականգնել ուժերը։

Դիմահարդարները, ոճաբանները, ամբողջ բեքսթեջային աշխուժությունը միշտ հետաքրքիր են, հատկապես ինձ համար, քանի որ արդեն շուրջ 20 տարի լուսաբանում եմ այս ոլորտը։

Սկսեմ ներկայացնել ցուցադրությունները և սկսեմ այսպես ասած "տանտերերից"։ Ինչպես արդեն նշել էի, միջոցառման կազմակերպիչները ներկայացնում էին AAVVA բրենդը, որն էլ բացեց ցուցադրությունը։ Ես տեղադրում եմ բոլոր բրենդերի էջերը․ կարող եք միանալ և հետաքրքրվել, եթե նրանք ձեզ դուր են գալիս։

AAVVA

AAVVA–ն լիբանանա-բրազիլական նորաձևության բրենդ է, որը ստեղծել են դիզայներներ Ahmad Ammar-ը և Vincenzo Visciglia-ն։ Բրենդի էստետիկան միավորում է Մերձավոր Արևելքի նրբագեղությունն ու Բրազիլիայի վառ գույները՝ տալով ժամանակակից, ճարտարապետական գծային լուծումներով առանձնացող հագուստներ։ Նրանց հավաքածուները միաժամանակ և՛ մինիմալիստական են, և՛ արտահայտչական․ յուրաքանչյուր զգեստում զգացվում է արևելյան նրբությունն ու լատինական էներգիան։ AAVVA-ն տարիներ շարունակ ներկայանում է տարածաշրջանային ու միջազգային բարձրակարգ նորաձևության հարթակներում, իսկ The Event-ում հանդես գալը նրանց համար ևս մեկ կարևոր հնարավորություն է՝ ցույց տալու ստեղծագործական ձեռագիրը ու նոր հավաքածուները։

Իհարկե, իմ համար ամենագեղեցիկը Ֆայինա Հարությունյանի ներկայացրած հավաքածուն էր։ Թեպետ The Event-ը դիզայներների մրցակցություն կամ համեմատություն չէ, այն կարևոր հարթակ է, որը տարբեր երկրների նորաձևությունը միավորում է մեկ տարածքում և հնարավորություն տալիս լայն հանրությանը ճանաչելու նոր անուններ ու ոճային ուղղություններ։

FAINA

Faina բրենդը հայ դիզայներ Ֆայինա Հարությունյանի ստեղծագործական ձեռագրով առանձնացող նորաձևության տուն է, որը հայտնի է նրբագեղ ու կանացի գծերով և ժամանակակից մոտեցումով։ Բրենդը համադրում է դասական aesthetics-ը ժամանակակից լուծումների հետ՝ ստեղծելով յուրահատուկ, ինքնաբավար  հագուստներ։ Faina-ն ներկայացվել է ինչպես Հայաստանում, այնպես էլ միջազգային հարթակներում՝ գրավելով թե՛ մասնագիտական հանրության, թե՛ նորաձևության սիրահարների ուշադրությունը։

ZHSAKEN

ZHSAKEN-Ը Ղազախստանում՝ Ալմաթի քաղաքում ստեղծված նորաձևության բրենդ է, որի հիմնադիրն Է դիզայներ Saken Zhaksybayev-ը։ Բրենդի հիմնական նպատակը ղազախական ազգային ավանդույթների, ձևերի ու մշակութային խորհրդանիշների արդիականացումն է՝ դրանք համադրելով ժամանակակից նորաձևության լուծումների հետ։ ZHSAKEN-ի ոճին հատուկ են ժամանակակից, մաքուր և թափանցիկ գծերը, ազգային նմուշների ու նյութերի օգտագործումը, ինչպես նաև կերպարների այնպիսի կառուցվածքը, որոնք համահունչ են թե՛ փառատոններին, թե՛ բարձրակարգ նորաձևության շոուներին։ Հատուկ ուշադրություն է դարձվում ավանդական հագուստի վերաօգտագործմանը և այն նոր կյանքով ներկայացնելու մոտեցմանը։

 The Coolrator

The Coolrator-ը միջազգային նորաձևության էքսցենտրիկ հարթակ է, որը միավորում է կայացած և նորանշանակ դիզայներական լեյբլներին՝ տրամադրելով բացառիկ շանսեր ցուցադրման համար: Այն գործում է հատուկ կուրատոր նախագծերի տեսքով, որտեղ բրենդների ընտրությունը, հավաքածուների ներկայացումն ու շոուների ձևաչափը ամբողջովին համակողմանի ստեղծագործական տեսլական է ստանում։ 

DUNESI

DUNESI-ն լյուքս նորաձևության բրենդ է, որը հիմնել է դիզայներ Hanne Ripsaluoma-ը։ Բրենդի ներքո ներկայացվում են հավաքածուներ, որոնք միավորում են ակտիվ ճարտարապետական կտրվածքներ, վերամշակված նյութեր (օրինակ՝ upcycled denim) ու ժամանակակից ոճ։ Բրենդը ստեղծված է Դուբայում։ Հիմք ընդունելով «Architecture for the body» գաղափարը՝ DUNESI-ի դիզայնը պլանավորված է այնպես, որ հագուստը ունենա հստակ գիծ եւ հարմարեցված լինի մարմնին։

EHO by Evgheni Hudorojcov

EHO by Evgheni Hudorojcov բրենդը հիմնադրել է դիզայներ Evgheni Hudorojcov-ը, որը նորաձևության ոլորտում հանդես է գալիս 2009 թվականից՝ սկսելով կարիերան բավական երիտասարդ տարիքից։ Բրենդը հայտնի է իր couture, demi-couture և ready-to-wear հավաքածուներով, որոնք առանձնանում են բարձրակարգ նյութերի օգտագործմամբ, ձեռագործ նրբություններով և արտիստիկ մոտեցմամբ։ EHO-ի գլխավոր տեսլականը «Timeless Fashion» գաղափարն է՝ նորաձևության արագ փոփոխվող միտումներին հակադրելով երկարաժամկետ, հավերժական ոճի ստեղծումը։ Բրենդը խուսափում է մեծաթիվ հավաքածուների թողարկումից՝ նախընտրելով ավելի սահմանափակ, բայց մշտապես բարձրորակ և մտածված արտադրանք։ Բրենդի գործող կենտրոնը գտնվում է Մոլդովայում, Ցիշինաու քաղաքում, որտեղ էլ գործում է EHO-ի showroom-ը՝ Բուլգառա փողոց 34 հասցեում։ ԵEHO-ն առաջարկում է հագուստ, որը չի ենթարկվում արագ նորաձևության միտումներին, այլ պահպանելու է իր արժեքն ու էսթետիկան ժամանակի ընթացքում։

ELAMINS

Elamins բրենդը հիմնադրվել է ընտանիքի անդամների՝ Hassan Elamin-ի, նրա քրոջ Sally Elamin-ի և եղբոր Ahmed Elamin-ի կողմից։ Այն ձևավորվել է որպես ժամանակակից, բարձրորակ և ճաշակով կառուցված նորաձևության տուն, որը ներկայացնում է բազմակիրառելի էլեգանտություն։ Բրենդը գործում է Արաբական Միացյալ Էմիրություններում և հասանելի է տարածաշրջանի առաջատար առցանց հարթակներում։ Elamins-ի հավաքածուների հիմքում մինիմալիստական պարզությունն է. մաքուր գծեր, բարձրորակ կտրվածքներ և գործվածքներ, որոնք ապահովում են հարմարավետություն և նրբագեղություն՝ միաժամանակ։ Բրենդը հատուկ շեշտադրում է կատարում որակի, երկարատևության և ժամանակի հանդեպ չկորցնող ոճի վրա՝ խուսափելով արագ նորաձևության կարճատև միտումներից։

Mokem Torokman

Mokem Torokman բրենդը ստեղծվել է պաղեստինցի երիտասարդ դիզայներ Moqeem Eldeen Torokman-ի կողմից։ Նրա աշխատանքները առանձնանում են բարձրարվեստ մոտեցմամբ, որտեղ յուրաքանչյուր զգեստ ներծծված է պատմությամբ, մշակութային խորախորհուրդ շերտերով և զգացմունքային հուշապատումներով։ Դիզայների ստեղծագործական ձեռագիրը համադրում է ժամանակակից couture esthetic-ը և տարածաշրջանի մշակութային ինքնությունը՝ մի յուրահատուկ ոճ, որը միաժամանակ էլեգանտ է և խոսուն։

 SATIN

 «SATIN»-ը նորաձևության տուն է, որն իր ծնունդը ստացել է բրազիլական նրբաճաշակությունից և վերածնվել է Դուբայի ստեղծարար էներգիայի մեջ։ Այն ներդաշնակորեն միավորում է լատինական զգացմունքայնակությունը և Մերձավոր Արևելքի էլեգանտությունն՝ արտահայտելով երկու մշակույթների գեղեցկությունը մեկ հարթակում։ Բրենդի հիմքում կանգնած է «conscious luxury» գաղափարախոսությունը՝ պատասխանատու արտադրություն, ժամանակին չպակասող դիզայն և յուրահատուկ պատմությամբ ապրանքներ։ SATIN-ը մեծ խորհուրդ է տալիս զգացմունքին, պատմությանը, էթիկային և մանրամասն աշխատանքի որակին։

This is Me Sneakers

This is Me Sneakers բրենդը հիմնված է Դուբայում և առանձնանում է այն գաղափարով, որ յուրաքանչյուր զույգ կոշիկ պետք է արտահայտի կրողի անհատականությունը։ Բրենդը մասնագիտանում է հարմարեցված (custom-made) պրեմիում սպորտային կոշիկների ստեղծման մեջ՝ օգտագործելով բարձրորակ և հաճախ վերամշակված նյութեր, իսկ արտադրությունն իրականացվում է Պորտուգալիայում՝ ապահովելով բարձր ճշտություն և ձեռագործ ավարտ։ Բրենդի փիլիսոփայությունն է․ «Identity is art in motion», այսինքն՝ քայլը դառնում է ինքնարտահայտման մի ձև։ Յուրաքանչյուր զույգ կոշիկ ձևավորվում է անհատական պատվերով՝ հաշվի առնելով հաճախորդի ոճը, գունային նախասիրությունները և պատմությունը։ «This is Me Sneakers»-ը միավորում է նորաձևությունը, արվեստը և ինքնության գաղափարը՝ չդառնալով զանգվածային արտադրության մաս, այլ կենտրոնանալով բացառիկության ու բարձրակարգ դիզայնի վրա։

RAMI KADI

RAMI KADI-ն լիբանանացի-ամերիկացի դիզայներ Ռամի Կադիի ստեղծած բարձրակարգ կուտյուր նորաձևության տունն է, որն արդեն տարիներ շարունակ համարվում է Մերձավոր Արևելքի և միջազգային բարձր նորաձևության ամենապայծառ անուններից մեկը։ Բրենդը հայտնի է իր մանրակրկիտ ձեռագործությամբ, շքեղ արծաթաթելերով, ժամանակակից տեխնոլոգիաներով մշակված պարագաներով։ Rami Kadi-ի յուրաքանչյուր ստեղծագործություն կառուցված է որպես արվեստի գործ, որը միավորում է Արևելքի նրբագեղությունն ու արևմտյան նորաձևության ժամանակակից լեզուն։ Maison Rami Kadi-ն միջազգային նորաձևության գլխավոր ասպարեզներում՝ Փարիզում, Դուբայում, Բեյրութում, մշտապես ներկայացնում է իր կուտյուր և prêt-à-porter հավաքածուները, որոնք կրում են բազմաթիվ համաշխարհային աստղեր՝ Jennifer Lopez, Beyoncé, Rita Ora, Winnie Harlow, Ellie Goulding և այլք։ Բրենդի համար բնորոշ են ոչ միայն շքեղությունն ու բարձրարվեստ մոտեցումը, այլև նորարարական մտածողությունը․ Rami Kadi-ն առաջիններից էր, որ նորաձևության աշխարհում օգտագործեց թվային արվեստը, 3D ձուլվածքները և կայուն արտադրության մեխանիզմները։

 Rami Kadi-ն հանդիսանում էր Dubai The Event միջոցառման հատուկ հյուր դիզայները՝ իր ներկայությամբ և բացառիկ զգեստներով ավելի բարձրացնելով նախագծի միջազգային հեղինակությունն ու ստեղծագործական արժեքը։ Նրա մասնակցությունը դարձավ միջոցառման գլխավոր highlight-ներից մեկը՝ ներկայացնելով կուտյուրի այն կողմը, որը միշտ գերազանցում է ակնկալիքները և շարունակում է ոգեշնչել նոր սերնդի դիզայներներին։

Ի դեպ, շատ հաճելի էր ցուցադրությունների ընթացքում տեսնել մեր հայ մոդել, դերասան Ռուբեն Խանոյանին, ով, ինչպես պարզվեց, արդեն տեղափոխվել է Դուբայ և այնտեղ է աշխատում։ Նա մասնակցեց երկու դիզայներների ցուցադրություններին։

Նույնպես ուրախացնող էր տեսնել բազմաթիվ հայ հյուրերի, որոնք եկել էին հետևելու Ֆայինա Հարությունյանի ցուցադրությանը։

Միայն ափսոսում եմ, որ ժամանակ չունեցա ծանոթանալու Դուբայի ինֆլուենսերների հետ․ այնքան մարդ կար, այնքան աշխուժություն, որ ոչինչ չէի հասցնում։ Բայց մյուս կողմից՝ ով իսկապես ցանկանար, ինքն էլ կարող էր մոտենալ ու ծանոթանալ… հահահա։

Երրորդ՝ ոչ պակաս կարևոր օրը․ ցուցադրությունների հավաքածուները ներկայացվում են Դուբայի Galeries Lafayette-ում։ Մոտ երկու շաբաթ ցանկացողները կարող են տեսնել և ձեռք բերել ներկայացված մոդելները։ Սա, իմ կարծիքով, հրաշալի հնարավորություն է դիզայներների համար՝ ներկայանալ բարձրակարգ հարթակում, ընդլայնել իրենց լսարանը և գրավել նոր շուկաներ։

Ֆայինայի հավաքածուի մեծ մասը նույնպես հնարավոր է գնել հենց այս տարվա ցուցադրությունից հետո։ Եթե Դուբայում եք, ապա անպայման այցելելու եք Dubai Mall, և բնականաբար՝ նաև Galleries Lafayette։ Ուստի ուշադիր եղեք՝ կարող եք գտնել Ֆայինայի նոր հավաքածուից ձեր նախընտրած մոդելը։

Հրաժեշտի լանչը կազմակերպված էր լիբանանյան Al Beiruti ռեստորանում։ Շնորհակալություն հրավերի, գեղեցիկ հիշողությունների և մեզ մի քանի կիլոգրամով ավելի երջանիկ դեպի Հայաստան վերադարձնելու համար։

GALLERY