«Ֆուլ Հաուս.Վայրէջքը» ֆիլմի պրեմիերան Կինոմոսկվայում

Երկար ընդմիջումից հետո հայկական ամենահայտնի ու սիրված սիտքոմերից մեկը՝ «Ֆուլ Հաուսը» վերադառնում է ամբողջ ստեղծագործական կազմով: Քիչ առաջ Կինոմոսկվայում տեղի ունեցավ ֆիլմի պրեմիերան, որին ես ևս ներկա էի: Արդեն այսօրվանից ֆիլմը հնարավոր էր դիտել բոլոր կինոթատրոններում:

Հայկ Շաբանյան
Կամո Թովմասյան

Սիրված «Ֆուլ Հաուսը» վերադառնում է, սակայն այս անգամ ֆիլմի տեսքով: Հունվարի 29-ից էկրաններ բարձրացող «Ֆուլ Հաուս.Վայրէջքը» խոստանում է զվարճացնել և հուզել: Սիրված հերոսներն այս անգամ վերադառնում են ամբողջովին նոր պատմությամբ, որն որևէ կապ չունի սիթքոմի հետ (սիթքոմն ավարտվել էր 9-րդ եթերաշրջանով):

Նշեմ, որ «Ֆուլ Հաուսի» թիմը վերադարձի մասին տեղեկացրել էր նախորդ տարի, երբ նշում էր իր 10-ամյակը: Այդ առթիվ ֆուլհաուսցիները հանդես եկան ներկայացումներով Լոս Անջելեսում: Երեք ներկայացումներն էլ ունեցան sold out-ներ:

Ֆիլմի նկարահանումները տեղի են ունեցել 2025 թվականին Հայաստանում՝ Երևանում և Ստեփանավանում։

Դրանց չի մասնակցել միայն Քրիստինա Եղոյանը (տեխնիկական խնդիրների պատճառով), սակայն ֆուլհաուսցիներին այս անգամ միացել են Արտյոմ Կալաջյանը (ՌԴ-ից է) և Ավետ Բարսեղյանը:

«Ֆուլ Հաուս. Վայրէջք» ֆիլմում նկարահանվել են Արմեն Պետրոսյանը, Գրիգոր Դանիելյանը, Գարիկ Սեփխանյանը, Միհրան Ծառուկյանը, Արփի Գաբրիելյանը, Աղաս Մանուկյանը, Մարջան Ավետիտյան, Մոսո Կարապետյանը, Անի Երանյանը, Գոռ Հակոբյանը, Արտյոմ Կալաջյանը և այլք: Պրոդյուսեր՝ Արմեն Պետրոսյան, սցենարի հեղինակներ՝ Գրիգոր Դանիելյան, Գարիկ Սեփխանյան, ռեժիսոր՝ Կարեն Ամյան: