Նախ եկեք հիշենք, թե որ քաղաքական գործիչներն են ունեցել հատուկ սեր երաժշտության հանդեպ։ Բիլ Քլինթոնը (ԱՄՆ նախկին նախագահ) սաքսոֆոն էր նվագում, Ռիչարդ Նիքսոնը (ԱՄՆ նախկին նախագահ) լավ դաշնակահար էր և նվագում էր նաև ջութակ։ Բարաք Օբաման (ԱՄՆ նախկին նախագահ) պրոֆեսիոնալ երաժիշտ չէր, բայց հայտնի էր իր երգելով․ soul երգեր էր կատարում հանրային միջոցառումների ժամանակ, ու դա շատերին էր տպավորում։ Ռոնալդ Ռեյգանը (ԱՄՆ նախկին նախագահ) ավելի շատ դերասան էր, բայց ֆիլմերում երգել է և երաժշտական միջավայրի հետ կապ ունեցել դեռ Հոլիվուդի տարիներին, իսկ Բորիս Ջոնսոնը (Մեծ Բրիտանիայի նախկին վարչապետ) նվագում էր դաշնամուր։
Նիկոլ Փաշինյանը վերջին ամիսներին երաժշտության հետ ասոցացվեց իր ամենօրյա ռիլսերով՝ Զեմֆիրայից մինչև Maroon 5, Eminem և այլ կատարողներ։ Չգիտեմ՝ եթե անկեղծ, դրանից առաջ նա ինչ-որ կերպ ընդգծո՞ւմ էր իր սերը երաժշտության հանդեպ, թե ոչ։ Հետո հայտնվեց մի վիդեո, որտեղ նա հարվածային գործիքներ է նվագում, իսկ ավելի ուշ՝ իր իսկ կազմավորած երաժշտական բենդի մասին լուրը, որը անվանվեց «Վարչաբենդ»։
Եթե ճիշտ եմ դիտարկում, երևի այս խումբը կունենա շարունակական համերգներ, որոնց առաջինը հենց Afina by Palladium-ն էր։ Երևի մեծ սրահ ունենալու պատճառով, թեև եթե անկեղծ լինեմ, ես էլ չէի պատկերացնում, որ հազարավոր մարդիկ են լինելու, ու մի լավ հոգնեցինք նկարահանումների ընթացքում։
Երաժիշտները բոլորը երիտասարդներ են, նվագում են թե՛ ռոք, թե՛ սոուլ հիթեր, նաև հայկական հայտնի գործեր։ Ես երաժշտագետ չեմ, չեմ կարող ասել՝ պրոֆեսիոնալ տեսանկյունից ինչպես էին նվագում, բայց ամեն դեպքում մարդիկ ուրախ էին ու հավանում էին։
Արդյո՞ք սա նախընտրական քարոզարշավի շրջանակներում է։ Կարծում եմ՝ տարվա սկզբից սկսած գրեթե ամեն ինչ արդեն ունի քաղաքական ենթատեքստ։ Եթե այդպես է, ապա քայլը հետաքրքիր է՝ անսովոր և, մարքեթինգային լեզվով ասած, թրենդային ու մտածված։ Իմ այս լուսաբանումն էլ, ինչքան էլ ոչ քաղաքական ու ժամանցային լինի, միևնույն է դիտարկվելու է այդ դիտանկյունից։ Դա շատ լավ հասկանում եմ։ Բայց քանի որ ներկայացնում եմ քաղաքի բոլոր հետաքրքիր համերգային միջոցառումները ու փարթիները, չէի կարող այս մեկը բաց թողնել։ Որպես երևույթ՝ հետաքրքիր է։
British Afternoon Tea Etiquette Masterclass՝ Ուիլյամ Հենսոնի հետ
Armine Ohanyan Showroom-ի բացումը Փարիզում
Գնացել էինք «Վարչաբենդ» խմբի առաջին փարթիին
«Ֆուլ Հաուս.Վայրէջքը» ֆիլմի պրեմիերան Կինոմոսկվայում
Սոս Սարգսյանի անվան Համազգային թատրոնի նոր շենքի բացումը
LYUME Beauty Salon & Spa-ի բացումը
FLY PROJECT-Ը, KVISION-Ը, ՌԱԶՄԻԿ ԱՄՅԱՆԸ, ԻՎԵՏԱ ՄՈՒԿՈՒՉՅԱՆԸ՝ GRAND HOTEL EVOCA ԱՄՈՆԱՐՅԱ ՇՔԵՂ ԵՐԵԿՈՅԻՆ
PERSONA լաունջ ռեստորան-բար․ մեկ տարվա պատմություն, որը դարձել է Երևանի ոճն ու կերպարը
Իտալական դիզայնի նոր շունչը Հայաստանում․ Bontempi Casa-ն՝ Լիվինգ’ս խանութ-սրահում
ARMENIAN MUSIC VIDEO AWARDS 2025-ի հյուրերը, հաղթողները, բեքսթեջը և գլխավոր սկանդալը
G.ANNA՝ նոր հայկական շքեղություն, որը ծնվեց սիրուց ու նվիրումից
Nike Armenia-ի երկրորդ պաշտոնական սրահը բացվեց «Մեգամոլում»
