lifestyle

Պատահական չէ, որ վերջին շրջանում Լիանա Սահակյանը հատկապես ակտիվ է հանրային հարթակներում։ Տարիների ընթացքում նա կարողացել է ստեղծել բիզնես աշխարհի ամենաթանկ արժեքներից մեկը՝ ուժեղ անձնական բրենդ։ 

Այսօր նա ոչ միայն հաջողակ գործարար կին է, այլև մարդ-բրենդ, ում վստահում են հազարավոր մարդիկ, ընտանիքներ և գործընկերներ։ Նրա կարծիքը լսում են, խորհուրդներին հետևում, իսկ հաջողության պատմությունը ոգեշնչման աղբյուր է դարձել բազմաթիվ կանանց համար։

GO TRAVEL-ի 17-ամյակը հենց այդ ճանապարհի հերթական կարևոր հանգրվանն է։ Ճանապարհ, որը լի է եղել ոչ միայն հաջողություններով, այլև լուրջ մարտահրավերներով։ Վերջին տարիներին տուրիզմի ոլորտն անցել է ամենադժվար փորձությունների միջով՝ համավարակ, պատերազմ, միջազգային շուկաների անկայունություն։ Սակայն նույնիսկ այդ պայմաններում ընկերությունը ոչ միայն պահպանել է իր դիրքերը, այլև շարունակել է զարգանալ՝ ամրապնդելով հաճախորդների վստահությունն ու ընդլայնելով իր հնարավորությունները։

Միջոցառման ընթացքում Լիանա Սահակյանը պատմեց նաև իր կարիերայի սկզբի մասին մի հետաքրքիր և ոգեշնչող պատմություն։ Պարզվում է՝ 17 տարի առաջ նա իր առաջին քայլերն արել է հենց Փարպեցի 15 հասցեում գործող տուրիստական գրասենյակում, որտեղ որոշ ժամանակ աշխատել է որպես փորձաշրջան անցնող աշխատակից։ Սակայն, ի վերջո, աշխատանքի չի ընդունվել։ Շատերի համար նման իրավիճակը կարող էր դառնալ հիասթափության պատճառ, բայց Լիանայի համար այն դարձավ նոր սկզբի կետ։ Նա որոշեց ստեղծել սեփական տուրիստական ընկերությունը, և այսօր, 17 տարի անց, նույն՝ Փարպեցի 15 հասցեում, արդեն նշում է GO TRAVEL-ի 17-ամյակը։ Սա իսկապես հաջողության պատմություն է, որը հիշեցնում է, որ երբեմն մերժումը կարող է դառնալ մեծ հաղթանակի սկիզբ։

17-ամյակին նվիրված միջոցառմանը ներկա էին ընկերության գործընկերները, հաճախորդներն ու ընկերները։ Երեկոն ուղեկցվում էր ջերմ մթնոլորտով, հյուրասիրությամբ, ինչպես նաև բազմաթիվ անակնկալներով։ Գինիների հյուրասիրություն «Լուսարև»-ից, նվերների խաղարկություն Նաիրի Ինշուրանս-ից, 100 000 դրամի նվեր քարտեր՝ LILOYE բրենդից և իհարկե համեղ տոնական տորթ։ Նշեմ նաև, որ միջոցառման գեղեցիկ լուսաբանումը վստահվել էր Vivi Event Group-ին: 

Երեկոյի գլխավոր անակնկալը դարձյալ ավանդական խաղարկությունն էր՝ երկուսի համար ճանապարհորդություն դեպի Հռոմ։ Հետաքրքիր զուգադիպությամբ, այս տարվա հաղթողը դարձավ բլոգեր Ֆլորան։ Սա արդեն երկրորդ անգամն է, որ նա հաղթում է GO TRAVEL-ի գլխավոր մրցանակը. երկու տարի առաջ՝ ընկերության 15-ամյակի միջոցառման ժամանակ, նա շահել էր ճանապարհորդություն դեպի Միլան։

17 տարի անց GO TRAVEL-ը շարունակում է զարգանալ, ստեղծել նոր հնարավորություններ և ճանապարհորդությունների միջոցով միավորել մարդկանց՝ պահպանելով իր դիրքը որպես Հայաստանի ամենավստահելի և հեղինակավոր տուրիստական ընկերություններից մեկը։

GO TRAVEL / Փարպեցի 15
+374-10-566 630
FB / IG
www.gotravel.am

GALLERY