FLY PROJECT-Ը, KVISION-Ը, ՌԱԶՄԻԿ ԱՄՅԱՆԸ, ԻՎԵՏԱ ՄՈՒԿՈՒՉՅԱՆԸ՝ GRAND HOTEL EVOCA ԱՄՈՆԱՐՅԱ ՇՔԵՂ ԵՐԵԿՈՅԻՆ

Evocabank-ը կրկին իր տարեվերջյան երեկոն աշխատակիցների համար վերածել էր կոնցեպտուալ շոու-ծրագրի՝ զարմացնելով բոլոր հյուրերին։ GRAND HOTEL EVOCA երեկոն՝ ոգեշնչված Wes Anderson-ի The Grand Budapest Hotel ֆիլմից, կազմակերպվել էր Factory Production-ի կողմից, և արդյունքում ստացվել էր անհավանական գեղեցիկ միջոցառում, որին ես նույնպես հրավիրված էի։

Կամո Թովմասյան

Իհարկե, գնալով Evocabank-ի ամանորյա երեկոյին՝ ես գիտեի, որ մեզ սպասվում է ինչ-որ յուրահատուկ օր, բայց նման օրիգինալ մոտեցում չէի ակնկալում։ Ողջ երեկոն ներշնչված էր Wes Anderson-ի The Grand Budapest Hotel ֆիլմից, և Դվին Մյուզիք Հոլը ամբողջությամբ վերածվել էր հենց ֆիլմի էսթետիկայով ստեղծված GRAND HOTEL EVOCA հյուրանոցի։ Վահագն Մարտիրոսյանը իր բենդով մեզ դիմավորեց առաջին հարկում, հյուրանոցի հյուրընկալները փոխանցում էին մեր հաջողակ համարները բանալիների տեսքով, իսկ պորտիեն հյուրասիրում էր պրոսեկո։

Այս տարին Evocabank-ի համար սովորականից ավելի բուռն էր և լի նոր նախագծերով ու ձեռքբերումներով։ Այդ մասին նշեց հենց Բանկի հիմնադիր Վազգեն Գևորկյանը: Բանկը նշեց իր հիմնադրման 35-ամյակը, որի շրջանակում կազմակերպվեցին մի շարք մասշտաբային միջոցառումներ։ Կարապի լճում տեղի ունեցավ Getting Things Done կոնֆերանսը, Օպերայի և բալետի ազգային ակադեմիական թատրոնում նշվեց 35-ամյակը հատուկ միջոցառմամբ, և ոչ միայն։

Միջոցառման հատուկ հյուրերն էին FLY Project-ը Բրիտանիայից, KVISION-ը Ավստրալիայից, Ռազմիկ Ամյանը և Իվետա Մուկուչյանը։ Երեկոյի ընթացքում ներկայացվեց Evocabank-ի նոր Գլխամասը:

Իհարկե, առանց անակնկալների երեկոն չէր կարող անցնել։ Օրվա ընթացքում 3 հաջողակ արժանացավ ոսկե ձուլակտորների իսկ 5 աշխատակից էլ իրենց բանալի-համարներով շահեցին 100,000-ական դրամի Evoca Gift Card-եր: