Հայ-Բելգիական Պարտեզի երկրորդ մասնաճյուղի բացումը

Առաջին Հայ-Բելգիական պարտեզը գործում է Բագրևանդի փողոց 43, տուն 66 հասցեում, իսկ նոր մասնաճյուղն իր դռները բացեց Ջրվեժում՝ Թևոսյան 2/2 հասցեում: Կենտրոնում կիրառվում են բելգիական մեթոդաբանության տարրեր, խաղային ուսուցում, ազատ մտածողության խթանում։ Որպես հիմք օգտագործվում է ոչ միայն ՀՀ Կրթության և Գիտության նախարարության հաստատած կրթական ծրագիրը, այլև լրացուցիչ եվրոպական մանկավարժական մեթոդներ։ Մանկապարտեզը գործում է ամեն օր՝ 08:30-ից մինչև 18:30՝ երեք ժամային գրաֆիկով։

Կենտրոնի պրոֆեսիոնալ մասնագետները կազմակերպում են ուսուցողական խաղեր, թեմատիկ դասընթացներ, ծնողի նախընտրությամբ սովորեցնում մինչև վեց լեզու և ապահովում երեխաների զբոսանքը։ Հայ-Բելգիական պարտեզը համալրված է բելգիական խաղային և ախտահանիչ սարքավորումներով, առաջարկում է չորս անգամյա հատուկ մշակված սննդակարգ, օրթոպեդիկ ներքնակներ, բարձեր և բարձրորակ սպասարկում։ Փոքրիկներն այստեղ ընդունվում են պարտադիր ջերմաչափումից հետո։ Ծնողները նույնիսկ ազատվում են պարտեզ հասցնելու մտահոգությունից, քանի որ մինչև 6 կմ շառավղով տրամադրվում է փոխադրամիջոց։

Կենտրոնում գործում են 1.5-6 տարեկան երեխաների չորս խմբեր, որոնցից յուրաքանչյուրում նախատեսված է 9–15 երեխա։ Հայ-Բելգիական Պարտեզը լիցենզավորված կենտրոն է, ուստի մասնագետները ևս պարտադիր ունեն համապատասխան լիցենզիա։ Կենտրոնը որդեգրել է «Առողջ ափսե» մոտեցումը, որի շնորհիվ մեծ ուշադրություն է դարձվում առողջ սննդակարգին։ Ֆիզիկական ակտիվությունը, բավարար քունը և անվտանգ վարքագծի պահպանումը կարևորելով՝ այստեղ բացառվում է տրանսճարպերի և կերակրի աղի չարաշահումը իսկ շաքարավազի քանակը կրկնակի նվազեցված է ճաշացանկում:

Սննդակարգում գերակշռում են մրգերն ու բանջարեղենը՝ կանխարգելելու ճարպակալումը, շաքարային դիաբետը և այլ առողջական խնդիրներ։ Հայ-Բելգիական մանկապարտեզը համագործակցում է բելգիական կրթական հաստատությունների հետ, որոնց մասնագետները պարբերաբար այցելում են Հայ-Բելգիական Պարտեզ։

Այստեղ երեխաները վաղ տարիքից սովորում են շփվել երկլեզու և եռալեզու միջավայրում։ Նրանք ծանոթանում են եվրոպական արժեքներին, հանդուրժողականությանը և թիմային աշխատանքի հիմունքներին։ Միջավայրը մեծ ուշադրություն է դարձնում երեխաների սոցիալական հմտությունների զարգացմանը։