ԵԼԵՆ ՄԵՂՍԻԵ-ԱՌՆՈՆ ԵՎ ԼՈՒԻ ԼՈՐԹԻՆ՝ ՖՐԱՆԿՈՖՈՆԻԱՅԻ ՄԻՋԱԶԳԱՅԻՆ ՕՐՎԱՆ ՆՎԻՐՎԱԾ ԲԱՑԱՌԻԿ ՀԱՄԵՐԳՈՒՄ

Անվանի դաշնակահարներ Էլեն Մեղսիե-Առնոն և Լուի Լորթին Ֆրանկոֆոնիայի միջազգային օրվան նվիրված համերգով ելույթ ունեցան «Արամ Խաչատրյան» համերգասրահում, Հայաստանի պետական սիմֆոնիկ նվագախմբի հետ։

Կամո Թովմասյան

Համերգային ծրագրում ունկնդիրներին հնարավորութուն ընձեռվեց վայելել կոմպոզիտոր Ֆրանսիս Պուլենկի ամենահայտնի ակադեմիական ստեղծագործություններից՝ երկու դաշնամուրի և նվագախմբի համար գրված կոնցերտը, որը գրվել է արքայադուստր Էդմոն դե Պոլինյակի պատվերով: Վերջինա առավել հայտնի է որպես Վինարետա Զինգեր (հայտնի «Զինգեր» կարի մեքենաների հիմնադիր Իսահակ Զինգերի դուստրը):

Համերգային ծրագրում նաև հնչեց Կլոդ Դեբյուսիի ամենահայտնի ստեղծագործությունները՝ «Ֆավնի կեսօրվա պրելյուդ» սիմֆոնիկ պոեմը և «Ծովը» սիմֆոնիկ էսզիքը, ինչպես նաև Մորիս Ռավելի «Պավան հանգուցյալ արքայադստեր համար» սիմֆոնիկ պիեսը։ Համերգը ղեկավարեց Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր՝ Սերգեյ Սմբատյանը։ Այս բացառիկ համերգի Գլխավոր հովանավորն էր Fastex էկոհամակարգը, ռազմավարական հովանավոր՝ ԲՈՒՐՄՈՒՆՔ խանութների ցանցը: