Իսպանական Joma բրենդի առաջին սրահը բացվեց Ռիո Մոլում

Joma-ն իսպանական սպորտային բրենդ է, որը հիմնադրվել է 1965 թվականին Fructuoso López–ի կողմից: J-ն գալիս է հիմնադրի որդու անունից «José Manuel» (Jo+Ma): Սկզբում ընկերությունը զբաղվում էր կոշիկների արտադրությամբ, ավելի ուշ սակայն Joma-ն կենտրոնացավ սպորտային կոշիկների և հագուստի ոլորտում՝ դառնալով ֆուտբոլի և այլ մարզաձևերի սիրողական ու պրոֆեսիոնալ մարզիկների վստահելի գործընկերը։

Բրենդը ներկայացնում է տղամարդկանց, կանանց և երեխաների համար նախատեսված լայն տեսականի՝ մարզաշապիկներ, մարզահագուստ, կոշիկներ, վազքի և ֆիթնեսի պարագաներ, ինչպես նաև առօրյա հագուստի ու lifestyle հավաքածուներ։ Joma-ի արտադրանքը առանձնանում է դիմացկունությամբ, հարմարավետությամբ և ժամանակակից դիզայնով։ Այն մշտապես ներդնում է նոր տեխնոլոգիաներ՝ ապահովելով թեթև և շնչող նյութեր, որոնք նպաստում են մարզիկների ավելի արդյունավետ և ազատ շարժմանը։

Joma-ն ակտիվորեն համագործակցում է աշխարհի տարբեր ֆուտբոլային ակումբների և ազգային հավաքականների հետ, ինչպես նաև հանդիսանում է Իսպանիայի Օլիմպիական կոմիտեի պաշտոնական մատակարարը։ Բրենդը հայտնի է իր մատչելիությամբ, ինչը նրան դարձնում է մրցունակ Adidas-ի և Nike-ի նման գլոբալ ապրանքանիշերի կողքին։

Այսօր Joma-ն ներկայացնում է այնպիսի արժեքներ, ինչպիսիք են նորարարությունը, որակը և հասանելիությունը՝ առաջարկելով սպորտային հագուստ ու կոշիկ յուրաքանչյուրի համար՝ անկախ տարիքից և նախասիրություններից։

Joma–ն հաջողությամբ ներխուժեց ֆուտբոլային շուկա և Եվրոպայում, ԱՄՆ–ում, Ասիայում և այլուր գրանցվեց ավելի քան 120 երկրի ներկայություն ունեցող բրենդ: Բրենդն արտադրում է նաև մարզական պարագաներ՝ ընդգրկելով ֆուտբոլ, ֆուտզալ, թենիս, ռեգբի, վոլեյբոլ, բասկետբոլ, ատլետիկա, պադել, ֆիթնես և այլն: Այն հանդես է գալիս հարյուրավոր ֆուտբոլային ակումբների և ազգային հավաքականների մարզագույքի և հագուստի մատակարար, այդ թվում՝ Villarreal, Atalanta, Hoffenheim, Swansea, Anderlecht և այլն: Ինչպես հավանաբար արդեն նկատել եք, պադելը մեր երկրում ևս մեծ տարածում է գտնում։ Հենց այդ պատճառով էլ բրենդը ներկայացնում է պադելով զբաղվողների համար նախատեսված ամբողջական հավաքածու, որը կարող եք գտնել առանձնացված բաժնում։

Հիմնական հավաքածուներում կիրառվել են էկո ընկերական նյութեր՝ վերամշակված պոլիեսթերը և օրգանական բամբակ, առանց վնասակար քիմիական նյութերի ներկման գործընթացներով: Բացի նախաձեռնություններից, Joma–ն շարունակում է նորարարական մոտեցումներ ապահովել իր արտադրանքի համար՝ տեխնոլոգիաների ու նյութերի զարգացման միջոցով կատարողականության բարձր մակարդակի ապահովման նպատակով: