«ԿԻՆՈՄՈՍԿՎԱ»-յի վերաբացումը լիովին նոր ձևաչափով

«ԿԻՆՈՄՈՍԿՎԱ»-ն բացվել է 1936 թվականի դեկտեմբեր 12-ին հայկական առաջին հնչյունային ֆիլմի՝ Պեպոյի ցուցադրումով։

Հասցեն՝ Աբովյան 18

www.kinomoskva.com/am

FB / IG

90-ականների սերունդ լինելով՝ հիշում եմ, որ մեզ համար «ԿԻՆՈՄՈՍԿՎԱ»-ն ժամանցի եզակի վայրերից էր կենտրոնում: Շատ ուրախ եմ, որ այն ռեբրենդինգի վերածվեց, վստահ եմ՝ շատերն էին սպասում և շատերս սիրով կայցելենք հարազատ «ԿԻՆՈՄՈՍԿՎԱ»՝ տեխնիկապես նորովի զինված սրահներում դիտելու սպասվող ֆիլմերը:

«Կինոմոսկվան» ունի նոր բրենդինգը, որը համատեղում է պատմությունը, մշակույթը և ժամանակակից դիզայնը։ Նոր տարբերանշանում կինոթատրոնի պատմական շենքն է՝ վերևից, որը, հետաքրքիր զուգադիպությամբ, ունի լատիներեն «M» տառի ձևը։ Յուրահատուկ տարբերանշանը ոչ միայն պատկերում է շենքի բացառիկ ճարտարապետությունը, այլև ընդգծում է նշանակությունը Երևանի քաղաքային լանդշաֆտում, խորհրդանշում է «Կինոմոսկվայի» կենտրոնական դիրքը մեր քաղաքում և դերը՝ որպես սերունդների մշակութային կենտրոն։ Բրենդինգը վստահվել է Braind բրենդինգային ընկերությանը։ «Մոսկվա» կինոթատրոնի վերաբացման հանդիսավոր արարողության ընթացքում նաև տեղի ունեցավ ամենասպասված ֆիլմերից մեկի՝ «Ջոկեր: Խելագարություն երկուսի համար» ֆիլմի տարածաշրջանային եզակի փակ նախադիտումը:

Հիմնանորոգվել են բոլոր սրահները, համալրվել գերժամանակակից տեսալսողական սարքերով ու կահավորանքով։ Թարմացվել է օդափոխության և ջեռուցման համակարգը, հիմնովին բարեկարգվել են սանհանգույցները։ Միևնույն ժամանակ, հաշվի առնելով «Մոսկվա» կինոթատրոնի շենքի պատմամշակութային արժեքը, արտաքին հարդարման և մաքրման աշխատանքների ժամանակ խստիվ պահպանվել է հուշարձանի ինքնատիպությունը։

Տեխնիկական վերազինմամբ նորացվել են կինոթատրոնի և՜ ձայնային տեխնիկան, և՜ էկրանները: Տեղադրվել են կինոէկրանների արտադրության ոլորտում առաջատար Harkness Screens բրիտանական ընկերության առանձանահատուկ էկրաններ։ Լազերային պրոյեկցիայի պայմաններում դրանք ապահովում են գույնի պայծառություն և լույսի հավասարաչափ բաշխում, ինչը թույլ է տալիս դահլիճի ցանկացած անկյունից տեսնել բարձր որակի պատկեր: Կինոդահլիճներն անցնում են 4K լազերային պրոյեկցիայի․ Barco SP4K-35 4-րդ սերունդ. սա նշանակում է, որ պատկերի պայծառությունն այսուհետ կապված չէ լամպերից: «Կինոմոսկվայի» դահլիճներում տեղադրվել են DOLBY CP950 նորագույն ձայնային պրոցեսորներ, որոնք թույլ են տալիս իրականացնել ձայնային կարգավորումներ նաև ATMOS տեխնոլոգիաներին համապատասխան: LUIS Wassman ձայնային համակարգը հնարավորություն է տալիս հավասարաչափ տարածել ձայնը դեպի դահլիճի նստելատեղեր՝ զգալիորեն բարձրացնելով ընկալման որակը և մեծացնելով տպավորությունը:

«Կինոմոսկվա»-յի նոր կարգախոսը՝ «Արի կինոյի աշխարհ», հրավեր է բոլորին՝ բացահայտելու ոչ միայն կինոյի կախարդական աշխարհը, այլև վերագտնելու մի վայր, որը երկար տարիներ եղել է մեր մշակութային ժառանգության անբաժանելի մասը։ Ավելացնեմ նաև, որ այսուհետ էլ ավելի հարմար է դարձել կայքում օնլայն տոմսերի գնման համակարգը, կարող եք ինքներդ ստուգել՝ www.moscowcinema.com

Շնորհավորում եմ «Կինոմոսկվա»-յի տնօրինությանը, ամբողջ անձնկազմին և ինչու չէ, նաև մեզ մոլորիս՝ նման հրաշալի փոփոխությամբ: Վերաբացման հյուրերին սպասվում էր հյուրասիրություն, ֆոտոզոնաներ, սիրված կինոհերոսների հետ հանդիպում և հատուկ շոուն: Սթորիթելինգը կարող եք դիտել իմ ինստագրամյան էջում: