MARY Parfum սրահի վերաբացումը և Spirit of Kings ապրանքանիշի շնորհանդեսը

Երկու տարի առաջ ես ներկայացրեցի Աբովյան 26 հասցեում վերաբացված MARY Parfum սրահը: Ռեբրենդինգի հիմքում ընկած էր վարդագույնը, դեղինը, մանուշակագույնը և կանաչը։ Նոր ապրանքանշանի առանցքային մասը սիմվոլներն էին, որոնք համադրված էին կազմակերպության անվանման տառերի հետ ու ունեն իրենց հատուկ նշանակությունը՝ M-թագավորական, A-կանացի, R-հասանելի և Y-տղամարդկային։

Հյուսիսային պողոտա 5 հասցեում վերաբացված երկհարկանի սրահը շարունակությունն է նույն կոնցեպտի, որն արդեն սիրվել և ընդունվել է հայ սպառողի կողմից: Նոր՝ երկհարկանի սրահն ավելի ընդարձակ է, գտնվում է Հյուսիսային պողոտայի ամենամարդաշատ հատվածում և գործում է աշխատանքային ավելի երկար ժամային գրաֆիկով, ինչն էլ ավելի հարմարավետ է դարձնում գնումները թե մեր հայ հաճախորդների, թե օտարերկրյա զբոսաշրջիկների համար:

MARY Parfum խանութների ցանցը սպառողին է ներկայանում 1996 թ.-ից՝ լինելով Հայաստանում առաջինը։ Հիմա խանութ-սրահները ութն են: Mary parfum խանութների ցանցը մի շարք հանրահայտ ապրանքանիշերի միակ և պաշտոնական ներկայացուցիչն է Հայաստանում, այդ թվում` Spirit of Kings, Electimuss, Kajal, Arte Olfatto, MontBlanc, Coach, Jimmy Choo, Boucheron, Lanvin, Rochas, Karl Lagerfield, Pupa Milano, Inglot, Loreal Paris, Maybelline, Lerbolario, Dr Irena Eris և այլք:

Վերջին մեկ տարվա ընթացքում MARY Parfum սրահների ցանցը համալրվել է նիշային բույրերի և կոսմետիկ ապրանքանիշերի բավականին մեծ տեսականիով: Սրահում այժմ կարող եք նաև ձեռք բերել բնական բաղադրիչներ պարունակող խնամքի պարագաներ, պրոֆեսիոնալ դիմահարդարների համար նախատեսված դիմահարդարման միջոցներ և ինչպես արդեն նշեցի՝ բացառիկ բույրեր, որոնք պաշտոնապես ՀՀ-ում ներկայացված են միայն MARY Parfum սրահներում:

Նիշային դասի օծանելիքներից կառանձնացնեմ իտալական Arte Olfatto-ն, անգլիական Electimuss-ը, ֆրանսիական Kajal-ը: Երեկոյի գլխավոր նորույթը, թերևս իսպանական Spirit of Kings բույրերն էին, որոնց պաշտոնական ներկայացումը հենց միջոցառման ընթացքում տեղի ունեցավ:

SPIRIT OF KINGS-ի դեբյուտային հավաքածուն՝ Gold Collection-ը բաղկացած է 11 բույրերից՝ Acamar, Altair, Aludra, Arrakis, Errai, Hadar, Kursa, Matar, Sagira, Tabana և Zaurac: Բոլոր կոմպոզիցիաները ստեղծվել են պարֆյումեր Քրիստիան Պրովենցանոյի կողմից։ Վստահորեն շարժվելով դեպի ապագա՝ Spirit Of Kings-ը (թարգմանաբար՝ արքաների ոգի) ձգտում է հարստացնել ներկան՝ անցյալի հմայող և լեգենդար տարրերն այնտեղ բերելով իրենց ժամանակակից ստեղծագործությունների միջոցով:

Հատուկ այս շնորհանդեսի համար Հայաստան էր ժամանել Spirit Of Kings բրենդի Բրենդ-մենեջեր՝ Վալերիա Սլիվան:

Տոնելով Եվրոպայի գեղագիտությունն ու պատմությունը՝ Spirit Of Kings բացառիկ և շքեղ միջազգային բրենդը արդեն պաշտոնապես նաև ներկայացված է Հայատանում:

MARY Parfum սրահի կայքում, ինչպես նաև սոցիալական հարթակներում կգտնեք սրահներում ներկայացված բոլոր ապրանքանիշերը, նշանակությունը, արժեքները, ինչպես նաև կարող եք ամրագրել առցանց գնում: Միջոցառման ընթացքում հյուրերին սպասվում էին անակնկալներ, հատուկ սեթ DJ Vakcina-ից, ինչպես նաև հանդիպում Spirit Of Kings ապրանքանիշի ներկայացուցչի հետ, ով ժամանել էր Հայաստան ԲԱՐՍԻՍ ընկերության հրավերով: