lifestyle

25 տարվա փորձ ունեցող ընկերությունը Modern Sanitary Ware-ից վերափոխվում է modern.-ի։ Անունը պահպանվել է, սակայն փոխվել և զգալիորեն ընդլայնվել են բիզնես կոնցեպտը, վիզուալ ինքնությունը, showroom-ի ձևաչափն ու բրենդի ընդհանուր մոտեցումը։ Նոր modern.-ն այլևս միայն սանտեխնիկայի մասին չէ։ Բրենդն այսօր զարգանում է երեք հիմնական ուղղություններով՝ bath / kitchen / lifestyle՝ լոգասենյակ, խոհանոց և կենսակերպ։

Նոր showroom-ի գաղափարն է մեկ տարածքում առաջարկել հնարավորինս ամբողջական լուծումներ՝ լոգասենյակից և խոհանոցից մինչև բնակելի ու կոմերցիոն նախագծեր։ modern.-ի տեսականին համալրվել է նաև միջազգային սալիկների բրենդներով, իսկ նոր տարածքը նախագծված է ոչ միայն որպես վաճառքի սրահ, այլև որպես միջավայր, որտեղ հաճախորդները, դիզայներներն ու ճարտարապետները կարող են տեսնել տարբեր նյութերի ու լուծումների համադրությունները, փորձարկել գաղափարներ և ավելի վստահ դիզայներական որոշումներ կայացնել։

Ընկերության 25 տարվա փորձն այսպիսով ստացել է նոր արտահայտություն՝ նոր ինքնություն, նոր showroom, նոր բրենդներ, ավելի լայն ընտրություն և դիզայնի շուրջ կառուցված նոր միջավայր։ Նոր modern.-ի պորտֆոլիոյում ներկայացված են միջազգային ճանաչում ունեցող մի շարք բրենդներ՝ գերմանական Hansgrohe-ը, Hansgrohe Group-ի լյուքս դասի դիզայներական բրենդ AXOR-ը, իտալական Casalgrande Padana-ն, ինքնատիպ դիզայներական մոտեցմամբ հայտնի 41zero42-ը, ինչպես նաև Vallelunga & Co.-ն՝ ժամանակակից և դասական ոճի սալիկների լայն ընտրանիով։

Բացման միջոցառմանը ներկա էին նաև միջազգային գործընկերների ներկայացուցիչները։ Նրանք խոսեցին modern.-ի հետ համագործակցության, նոր շուկաներում գործընկերների ընտրության և Հայաստանի շուկայի հնարավորությունների մասին։ Միջոցառմանը մասնակցում էին նաև Duravit-ի ներկայացուցիչները։ Երեկոյի ընթացքում modern.-ի գործադիր տնօրեն Դավիթ Հարությունյանը ներկայացրեց ընկերության զարգացման նոր փուլն ու այն գաղափարը, որի շուրջ կառուցվել է նոր showroom-ը։ Մասնագիտական համայնքի տեսանկյունից նոր տարածքի նշանակության մասին խոսեց նաև «Ճարտարապետ» հանդեսի հիմնադիր Ռոզա Սամվելյանը։

Չնայած մեծ փոփոխություններին՝ modern.-ի նոր պատմությունը չի սկսվում զրոյից։ Դրա հիմքում ընկերության 25 տարվա փորձն է, շուկայի ճանաչումը, տարիների ընթացքում ձևավորված գործընկերային հարաբերությունները և ամենատարբեր մասշտաբի նախագծերի հետ աշխատանքը։

Հենց այդ փորձն էլ դարձել է նոր կոնցեպտի հիմքը՝ modern.-ը վերածելով ոչ միայն ապրանքներ ներկայացնող showroom-ի, այլև դիզայնի, նյութերի և կենսակերպի շուրջ կառուցված տարածքի։

Բրենդի նոր գաղափարի և վիզուալ ինքնության մշակման վրա աշխատել է Jack of Hearts թիմը, իսկ նոր showroom-ի դիզայնը վստահվել է Electric Architects-ին։

Բացման երեկոն մեկ հարկի տակ էր հավաքել modern.-ի երկարամյա հաճախորդներին ու գործընկերներին, ճարտարապետական և դիզայներական ընկերությունների ներկայացուցիչներին, ինչպես նաև արտասահմանյան բրենդների հյուրերին։

modern. showroom
Սայաթ-Նովա 37

+374 60 700 040

modern.am

 FB / IG