Maison Francis Kurkdjian բրենդին նվիրված բացառիկ երեկոն

Hermitage-ի հրավերով Երևան էր ժամանել աշխարհահռչակ պարֆյումեր Francis Kurkdjian-ը՝ մասնակցելու բացառիկ միջոցառմանը, նվիրված Maison Francis Kurkdjian օծանելիքի տան ստեղծագործական ժառանգությանը և խորհրդանշական Baccarat Rouge 540 բույրի 10-ամյակին։

Կամո Թովմասյան

Բացառիկ միջոցառումը տեղի ունեցավ Հայաստանի ազգային պատկերասրահի Որմնանկարների դահլիճում՝ վերածվելով յուրահատուկ զգայական տարածքի, որտեղ արվեստը միաձուլվում էր բույրի հետ՝ ստեղծելով էսթետիկ և հուզական փորձառություն։ Երեկոյի ընթացքում հյուրերը հնարավորություն ունեցան անձամբ հանդիպել մաեստրոյին, բացահայտել նրա ստեղծագործական աշխարհը և նորովի ընկալել Baccarat Rouge 540-ը՝ որպես ժամանակակից պարֆյումերիայի խորհրդանիշ։

Երեկոյի ընթացքում ընդգծվեց նաև, որ Hermitage-ը հանդիսանում է նիշային օծանելիքների ամենամեծ ցանցը Հայաստանում և 2012 թվականից հանդիսանում է Maison Francis Kurkdjian բրենդի պաշտոնական և էքսկլյուզիվ ներկայացուցիչը երկրում։ Այս միջոցառումը ևս մեկ անգամ հաստատեց Hermitage-ի առաքելությունը՝ ստեղծել էսթետիկ և բարձրարժեք փորձառություններ՝ միավորելով համաշխարհային բրենդները և հայկական մշակութային միջավայրը։