Original Motors էլեկտրական ավտոմեքենաների սրահի բացումը Երևան-Աբովյան մայրուղում

Ժամանակակից աշխարհում, որտեղ էկոլոգիական պատասխանատվությունը ու տեխնոլոգիական առաջընթացը գնալով ավելի կարևոր տեղ են զբաղեցնում, հայաստանյան շուկայում առանձնանում է այս նոր ավտոսրահը, որն իր առաքելությամբ ձևավորում է նոր մտածողություն։ Original Motors–ը ստեղծվել է ոչ միայն վաճառելու մեքենաներ, այլ բերելու ապագան մեր ներկա։

Original Motors ավտոսրահը հիմնադրվել է 2024թ․-ին, և արդեն իսկ հասցրել է վստահություն ներշնչել հաճախորդների շրջանում։ Ընկերության տեսլականը պարզ է՝ դառնալ փոխադրման ոլորտում էկոլոգիապես մաքուր ու տեխնոլոգիապես առաջադեմ լուծումների առաջամարտիկ։ Սրահն առաջարկում է էլեկտրական ավտոմեքենաներ, որոնք ոչ միայն նորաձև են, այլև խնայող, հարմարավետ և պատասխանատու ընտրություն բնության նկատմամբ։

Ներկայացված բրենդներից են՝ BYD, LiXiang, Mazda, Dongfeng, Farizon, Geely, KIA, ICAR, TOYOTA, HONGQI: Մոդելների ցանկը միշտ թարմացվում է՝ հաշվի առնելով ինչպես միջազգային թրենդները, այնպես էլ հաճախորդների պահանջները։ Original Motors-ում ներկայացված մեքենաները ընտրվում են ամենաբարձր չափանիշներով։ Սրահը համագործակցում է միայն վստահելի բրենդների հետ՝ ուշադրություն դարձնելով ծրագրային ապահովմանը, երաշխիքային սպասարկմանը և տեխնիկական հուսալիությանը։

Մեքենաների մեծ մասը տրամադրվում է մինչև 3 տարվա կամ 100,000 կմ երաշխիքով՝ կախված մոդելից։ Եթե ցանկանում եք պատվիրել հատուկ մոդել՝ Original Motors-ը առաջարկում է նախնական պատվերի համակարգ, որտեղ ներմուծման միջին ժամկետը կազմում է 30-60 աշխատանքային օր։ Սրահի անձնակազմը կառավարում է ամբողջ գործընթացը՝ պատվերից մինչև հանձնում, երաշխավորելով հստակություն և վստահություն։

Original Motors-ը կարևորում է յուրաքանչյուր հաճախորդի հարմարավետությունը։ Սրահից գնված ցանկացած մեքենայի հետ տրամադրվում է տվյալ մոդելին համապատասխան օրիգինալ լիցքավորման սարք, որը լիովին համատեղելի է մեքենայի համակարգերի հետ։ Այն ապահովում է անվտանգ, կայուն և արդյունավետ լիցքավորում՝ առանց որևէ տեխնիկական խափանման։

Հավելեմ, որ ընկերությունը չի սահմանափակվում միայն ավտոմեքենայի վաճառքով․ այստեղ առաջարկվում է լիարժեք և համակարգված փորձառություն։ Յուրաքանչյուր գնորդ ստանում է ոչ միայն հուսալի և նորարարական տեխնիկա, այլ նաև վստահություն, ճկուն ֆինանսավորման լուծումներ (ներառյալ լիզինգ և վարկավորում՝ ցածր տոկոսադրույքներով), ինչպես նաև անհատական մոտեցում՝ հաշվի առնելով հաճախորդի կարիքները։

Բացման շնորհանդեսին ներկա էր նաև Աբովյան քաղաքի քաղաքապետ Էդուարդ Բաբայանը:

Մեր Հայկը որոշել էր անցներ էլեկրական մեքենայի ու վաճառում էր իր Մազդա մեքենան: Երբ նկարում էինք բացումը, հենց միջոցառման ընթացքում որոշեցինք գնել այս BYD-ն, շատ հարմար առաջարկ էր, արժեքը 32 000 ԱՄՆ դոլար էր: Սա դեռ թեստինգ ենք անում, մեր պատվերը կլինի 15 օրից, բայց նախնական վճարումն ու ամրագրումն արեցինք: Ոնց ասում են՝ Եկանք, Նկարեցինք, Գնեցինք: Միջոցառման ընթացքում հյուրերին սպասվում էր հյուրասիրություն, ԿԵՆԱՑ գինիների թեսթինգ, լավ երաժշտություն և խաղարկություն: Հյուրերից երեքը շահեցին 400 000 դրամական նվեր-քարտեր, իսկ բոլոր հյուրերը ստացան սիմվոլիկ հուշ-նվերներ: