«Փարաջանովը և նորաձևությունը» ցուցահանդեսը

Ի պատիվ հայ կինովարպետ Սերգեյ Փարաջանովի 100-ամյակին՝ ավելի քան 40 հայ դիզայներներ ցուցադրեցին բացառիկ ստեղծագործություններ՝ ոգեշնչված արվեստագետի հավերժական արվեստով։ Մայիսի 18-31ը Սերգեյ Փարաջանովի թանգարանը ներկայացրեց «Փարաջանովը և նորաձևությունը» ցուցահանդեսը, որը նախաձեռնել է Նորաձևության և Դիզայնի Պալատը Սերգեյ Փարաջանովի թանգարանի հետ համատեղ:

Սերգեյ Ակոպյան
Կամո Թովմասյան

Ինչպես հուշում է վերնագիրը՝ «Փարաջանովը և նորաձևությունը» ցուցահանդեսը միաձուլում է 20-րդ դարի հայկական արվեստը ժամանակակից նորաձևության հետ՝ հնարավորություն տալով հայ դիզայներներին վերափոխել թանգարանը հեղինակային զգեստների և աքսեսուարների, որոնք արտացոլում են Փարաջանովի արվեստը: Ցուցահանդեսը հրավիրում է այցելուներին՝ խոստանալով անմոռանալի տպավորություններ: Այն հրաշալի հնարավորություն է նաև հայկական նորաձևությունը ներկայացնել արվեստի համադրությամբ, ինչպես նաև հետաքրքրություն առաջացնել հայ դիզայներների և հայկական արտադրանքի նկատմամբ մեր երկիր այցելող զբոսաշրջիկների շրջանում:

Այսպիսով, կխթանվի հայկական արտադրության ապրանքների սպառումը և նորաձևության ոլորտը, որի պոտենցիալը հսկայական է մեր երկրում: Նախաձեռնությունն իրականացվում է Գերմանիայի կառավարության պատվիրակմամբ և Գերմանական միջազգային համագործակցության ընկերության (GIZ) կողմից իրականացվող «Մասնավոր hատվածի գարգացում և մասնագիտական կրթություն և ուսուցում Հարավային Կովկասում» ծրագրի աջակցությամբ։ Ցուցահանդեսը մեծարանք է «Նռան գույնը» և «Մոռացված նախնիների ստվերները» գլուխգործոցների հեղինակին: