AZAT MARD X ARARAT ՀԱՄԱԳՈՐԾԱԿՑՈՒԹՅԱՆ ՇՆՈՐՀԱՆԴԵՍԸ

AZAT MARD բրենդի և ARARAT-ի համագործակցության արդյունքում ստեղծվել են շապիկ, որն էքսկլյուզիվորեն կվաճառվի միայն ԱՐԱՐԱՏ թանգարանում, ինչպես նաև AZAT MARD բրենդի կայքում: Շնորհանդեսը երեկ հենց ԱՐԱՐԱՏ գործարանում էր, մենք էլ հյուրերի թվում էինք.....

Կամո Թովմասյան

Հրաշալի երեկո էր կազմակերպել NITRO PRODUCTION ընկերությունը՝ ARARAT կոնյակով պատրաստված ֆիրմային կոկտեյլներով, Leo Aniram-ի սեթով, դե ամենակարևորն էլ իհարկե հենց AZAT MARD բրենդի հիմնադիրների հետ հանդիպումն էր, ովքեր ժամանել էին Հայաստան հենց այս շնորհանդեսի համար: Բոլոր հյուրերը նաև հնարավորություն ունեցան այցելել ԱՐԱՐԱՏ թանգարան, ինչպես նաև հենց առաջինը ձեռք բերել նոր շապիկը: Ինչպես արդեն նշեցի, այսօրվանից AZAT MARD X ARARAT շապիկը կարող եք գնել ԱՐԱՐԱՏ թանգարանից, ինչպես նաև azatmardofficial.com կայքում:

Ի դեպ, AZAT MARD-ի համահիմնադիր Կարեն Չոբանյանը նախապես շատ հետաքրքիր կերպ էր ներկայացրել նոր շապիկը՝ նկարահանելով այն Գումի շուկայում, ինչն իրոք փոխանցում էր այս համագործակցության ուղերցը: Նա իր էջում նշել է՝ "AZAT MARD-ը սկսելուց ի վեր առանցքային է եղել սերտորեն համագործակցել հայկական ընկերությունների հետ, որոնք համահունչ են ապրանքանիշին: Երիտասարդ տարիքից ԱՐԱՐԱՏ կոնյակը միշտ եղել է խնջույքների անբաժանելի ընկերը իմ և աշխարհի յուրաքանչյուր հայ ընտանիքի համար: Այն միշտ կատարյալ նվեր է եղել հարազատների և մտերիմների համար։"